პარასკევს და შაბათს ინსპექტირებები განხორციელდა , ჯამში 26 კომპანიის, რომელთაგან 16-მა მათგანმა ვერ დააკმაყოფილა მოთხოვნები. თითოეული მათგანის მიმართ გამოყენებული იქნა ადმინისტრაციული სახდელის სახლით ჯარიმა, 10 000 ლარის ოდენობით და ჯამში საჯარიმო სანქციებმა შეადგინა 160 000 ლარი - ამის შესახებ, შრომის პირობების ინსპექტირების დეპარტამენტის უფროსმა, ბექა ფერაძემ. 
მანა სევე აღნიშნა, რომ ინსპექტირებები კვლავ განხორციელდება. 
"ჯანდაცვის სამინისტროს, შრომის პირობების ინსპექტირების დეპარტამენტმა, საგანგებო სიტუაციების დაწესებისთანავე, მთელი ქვეყნის მასშტაბით დაიწყო სარეკომენდაციო ხასიათის ინსპექტირების პროცესი, რაც ეკონომიკის მდგრადი გახსნისთვის კეთდებოდა. 
ჯამში ჩვენ შევამოწმეთ 11 400 კომპანია სადაც სადაც სარეკომენდაციო ხასიათის მითითებები გავეცით და  მოვამზადეთ ბიზნესი ეკონომიკის გახსნისთვის. შევიმუშავეთ სექტორული რეკომენდაციები და ამ მიმართულებით ჩვენ ვიყავით ერთ-ერთი პირველი ქვეყანა. გვაქვს ფუნდამენტური პირობები, რაც თითოეულმა ჩვენგანმა უნდა დავიცვათ, იქნება ეს ბიზნესი მოქალაქე, ნებისმიერი ადამიანი ვინც ამ ქვეყანაში ცხოვრობს ან ოპერირებს, რომ ვირუსის გავრცელება იყოს შენელებული და ამასთანავე ბიზნესმა მუშაობა განაგრძოს. 
მიუხედავად იმისა, რომ ჩვენ რეკომენდაციების მიღების პროცესში, ტურიზმის ეროვნულ ადმინისტრაციასთან ერთად ჩართული გვყავდა ყველა ის ასოციაცია რომელიც ქვეყანაში დარგის მიმართულებით არსებობს, ასევე რესტორნები და კვების ობიექტების მიმართულებით, ჩვენ მივაწვდინეთ მათ ხმა და ერთობლივად შევიმუშავეთ ის ფუნდამენტური წესები, რომელიც თითოეულმა მეწარმემ და მოქალაქემ უდნა დაიცვას. 
მიუხედავად ამისა, თქვენ ნახეთ ის ფოტო ვიდეო მასალა, რომელშიც იმ თამაშის წესების დარღვევა ჩანს, რაც ჩვენ ერთობლივად შევიმუშავეთ. პარასკევს და შაბათს ინსპექტირებები განხორციელდა , ჯამში 26 კომპანიის, რომელთაგან 16-მა მათგანმა ვერ დააკმაყოფილა მოთხოვნები. თითოეული მათგანის მიმართ გამოყენებული იქნა ადმინისტრაციული სახდელის სახლით ჯარიმა, 10 000 ლარის ოდენობით და ჯამში საჯარიმო სანქციებმა შეადგინა 160 000 ლარი. 
პირველი  - ეს ნაბიჯი გადავდგით იმიტომ, რომ მომხდარიყო პრევენცია და მეორე - კეთილსინდისიერი მეწარმე, რომელიც იცავს იმ შემუშავებულ სტანდარტებს და 6 ადამიანზე მეტს არ განათავსებს მაგიდასთან და ასე შემდეგ იყო არაკონკურენტულ გარემოში, რადგან ერთი იცავს და ჩვენ ამ დროს იმ ფოტო-ვიდეო მასალას ვიღებთ სადაც დარღვეული იყო ყველანაირი სტანდარტი. 
ინსპექტირებები კვლავ განხორციელდება და მოვუწოდებ თითოეულ მეწარმეს, რომ დაიცვან ის რეკომენდაციები, რომელიც აუცილებელია პრევენციის მიზნით", - განაცხადა ბექა ფერაძემ. 

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ