"ალი და ნინო"-ს ქანდაკების ავტორის,  თამარ კვესიტაძის განცხადებით, ის მონუმენტის ადგილმონაცვლეობაში გერმანელი სპეციალისტების ჩართვას ითხოვდა, რომლებმაც თავის დროზე ძეგლი  დაამონტაჟეს.
თუმცა, კვესიტაძის თქმით, სავარაუდოდ, გერმანელი სპეციალისტების მიერ მოთხოვნილი თანხა ხელისუფლებისთვის ძვირი აღმოჩნდა.
„ეს ნამუშევარი დამონტაჟებული არის გერმანელების მიერ. მე შევთავაზე, რომ გერმანელებს დაუკავშირდეთ, თავად გერმანელებსაც კი ველაპარაკე, რომ შეიძლებოდა დამდგარიყო ძეგლის გადატანის საჭიროება და მათ დაასახელეს თანხა. ალბათ მათი დასახელებული თანხა ძვირი იყო და მიიღეს ასეთი გადაწყვეტილება. ძეგლის  გადატანა რთულია, მაგრამ მითხრეს, რომ შევძლებთო. საერთოდ ვფიქრობ ვისი დამონტაჟებულიც არის სასურველია იმ ჯგუფმა გადაიტანოს,“ - განაცხადა თამარ კვესიტაძემ "რუსთავი2"-თან საუბრისას.~
შეგახსენებთ, დღეს "ალი და ნინო"-ს ცნობილი ქანდაკება გადატანის დროს დაიმსხვრა.  ძეგლი ტერიტორიის მოწყობაში გამარჯვებულმა კომპანია "არნაბი 21"- მა დააზიანა. როგორც "ექსპრესნიუსთან" კომენტარში კომპანიის წარმომადგენელმა განაცხადა, ავტორთან შეთანხმებით "ალის და ნინოს" ქანდაკება სხვა ადგილზე გადაჰქონდათ.
"არამყარი ყოფილა ეს ადგილი. გადამტანმა კომპანიამ დააზიანა - ტროსი გაწყდა. დაზიანება დიდი არ არის და  ჩვენ შევაკეთებთ",- ამბობს კომპანია "არნაბი 21"-ის  წარმომადგენელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა