2015-08-26 16:27:09, 686 ნახვა
საზოგადოება
"ალი და ნინო"-ს ძეგლი ტერიტორიის მოწყობაში გამარჯვებულმა კომპანია "არნაბი 21"- მა დააზიანა. როგორც "ექსპრესნიუსთან" კომენტარში კომპანიის წარმომადგენელმა განაცხადა, ავტორთან შეთანხმებით "ალის და ნინოს" ქანდაკება სხვა ადგილზე გადაჰქონდათ.
"არამყარი ყოფილა ეს ადგილი. გადამტანმა კომპანიამ დააზიანა - ტროსი გაწყდა. დაზიანება დიდი არ არის და ჩვენ შევაკეთებთ",- ამბობს კომპანია "არნაბი 21"-ის წარმომადგენელი.
შეგახსენებთ, დღეს "ალი და ნინო"-ს ცნობილი ქანდაკება გადატანის დროს დაიმსხვრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
