2020-06-10 17:05:33, 2240 ნახვა
სამართალი
დედოფლისწყაროს საკრებულოს დეპუტატს აღკვეთის ღონისძიების სახით პატიმრობა შეეფარდა
სიღნაღის რაიონულმა სასამართლომ, დედოფლისწყაროში, სოფელ გამარჯვებაში „ქართული ოცნების“ საკრებულოს წევრს, გიორგი ჭინჭარაულს აღკვეთის ღონისძიების სახით პატიმრობა შეუფარდა.
დღევანდელ პროცესზე დაცვის მხარე დაკავებულის 5000-ლარიანი გირაოს სანაცვლოდ გათავისუფლებას ითხოვდა.
როგორც პროკურორმა აღნიშნა, არსებობს ბრალდებულის მიერ მიმალვისა და მტკიცებულებების განადგურების საფრთხე, ასევე ის მიდრეკილია დანაშაულის ჩადენისაკენ.
მომდევნო სხდომა 6 აგვისტოს ჩაინიშნა.
შეგახსენებთ, რომ სოფელ გამარჯვებაში ორი პირის განზრახ მკვლელობის მცდელობის ფაქტზე გიორგი ჭინჭარაულს ბრალდება გუშინ წარედგინა.
ავტორი: ექსპრესნიუსი,
epn.ge (@expressnews.ge)
