„თბილისი პრაიდის“ ოფისს საღებავები ესროლეს

2020-06-08 14:35:17, 1727 ნახვა

საზოგადოება

გუშინ, „თბილისი პრაიდის"ოფისს საღებავები ესროლეს - ამის შესახებ ინფორმაციას, ტვიტერზე ავრცელებენ.

რადიკალური ჯგუფების წარმომადგენლები, 7 ივნისს „თბილისი პრაიდის ოფისს" თავს დაესხნენ, მათ ლგბტქ წარმომადგენლების დროშას და ოფისს საღებავები ესროლეს.

„დღეს, „თბილისი პრაიდის" ოფისს რადიკალური ჯგუფების წარმომადგენლები თავს დაესხნენ, მოხარული ვარ, რომ პოლიცია ყოველთვის იქ არის, თუმცა ამ შემთხვევაში მათ ვერ ან არ შეაჩერეს ისინი.
შინაგან საქმეთა სამინისტროს მოვუწოდებთ გამოძიებისაკენ.

მუშაობა ჩვენი უფლებაა", - ნათქვამია ტვიტერზე გამოქვეყნებულ განცხადებაში.

შინაგან საქმეთა სამინისტროს ინფორმაციით, მომხდარ ფაქტთან დაკავშირებით დაწყებულია ადმინისტრაციული სამართალწარმოება, გამოკითხულია რამდენიმე პირი და მიმდინარეობს შესაბამისი ღონისძიები.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან