დღეიდან სასტუმროები და დახურული ტიპის რესტორნები იხსნება

2020-06-08 10:08:33, 1872 ნახვა

საზოგადოება

დღეიდან მხოლოდ ის სასტუმროები გაიხსნება, რომელთაც გავლილი ექნებათ ჯანდაცვის სამინისტროს შემოწმება.

აღნიშნულის შესახებ პრემიერ-მინისტრმა გიორგი გახარიამ 27 მაისს საკოორდინაციო საბჭოს სხდომაზე განაცხადა.

"გაიხსნება ყველა სახის მომსახურება რესტორნებში, ეს ნიშნავს, რომ რესტორნებს სრულად შეეძლებათ იმოქმედონ, 8 ივნისიდან ასევე გაიხსნება სასტუმროები, მხოლოდ ის სასტუმროები, რომლებსაც გავლილი ექნებათ ჯანდაცვის სამინისტროს შესაბამისი უწყებების შემოწმება და ექნებათ კონკრეტული სახის ნებართვა", - თქვა პრემიერმინისტრმა 27 მაისს, პარლამენტში გამოსვლისას.

8 ივნისიდან ასევე გაიხსნება, დახურული ტიპის რესტორნები. ჯანდაცვის სამინისტროს მიერ გაცემული რეკომენდაციების თანახმად, კვების ობიექტებმა წინასწარი დაჯავშნის სისტემა უნდა გამოყენონ.

ამასთანავე, აუცილებელია ორ საათიანი შუალედით რესტორნების დასუფთავება.
რესტორნებში მაგიდები ერთმანეთისგან ორ მეტრიანი შუალედით უნდა იყოს დაშორებული. ხოლო მაგიდებზე მაქსიმუმ 6 ადამიანის ყოფნაა დასაშვები.

აღსანიშნავია ისიც, რომ გამონაკლისის სახით შესაძლებელია ოჯახის წევრებისა და 12-წლამდე მოზარდის ერთ მაგიდასთან განთავსება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,