„ოპოზიციის ერთიანი კანდიდატები ჩემთვის მიუღებელიცაა და განუხორციელებელიც“, - ამის შესახებ პოლიტიკური მოძრაობა, „ტრიბუნას“ ლიდერმა, დავით ჭიჭინაძემ განაცხადა.

ის ოპოზიციის ნაწილს, ხელოვნური უმრავლესობის შექმნის მიზნით, ამომრჩევლის მოტყუებაში ადანაშაულებს.

„ღირებულებითი თანხვედრა თუ არ გაქვს პოლიტიკურ ძალებთან, არ შეიძლება რაღაც გაუგებარ გარიგებეზე წახვიდე,  მითუმეტეს ხალხის ინტერესების საპირისპიროდ. 

თან   ვთვლი, რომ ოპოზიციის იმ ნაწილს, რომელიც დღეს ყველაზე უფრო აქტიურობს და  „ქართულ ოცნებას“ შორის , რეალურად არანაირი განსხვავებაა არ არის.  თავის დროზე ყველამ საკმაოდ სერიოზულად გაუცრუა იმედები და მოატყუა ამომრჩეველი.

შესაბამისად, ამ მოცემულობით, აბსოლუტურად მიუღებელია ჩემთვის ოპოზიციის ერთიან კანდიდატზე შეთანხმება. 

რაც შეგვეხება ჩვენ, პოლიტიკურ მოძრაობა „ტრიბუნას“,  ჩვენი შეთავაზებები მოსახლეობისთვის სრულიად განსხვავებულია.

ჩვენ  განვსხვავდებით ჩვენი პოლიტიკური ხედვებით, რადგან ვებრძვით ლიბერალურ ეკონომიკას, რომელმაც არა მარტო ჩვენი ქვეყანა, მთელი მსოფლიო ჩიხში შეიყვანა.

ანუ, ის  რასაც ჩვენ ვთავაზობთ მოსახლეობა, ამას არავინ სთავაზობს და არ ვაპირებთ ხელოვნური უმრავლესობის შექმნას შევუწყოთ ხელი და ჩვენი ამომრჩეველი შეცდომაში შევიყვანოთ“, - განაცხადა დავით ჭიჭინაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"