თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში COVID-19-ის დიაგნოზით 58 პაციენტი მკურნალობს.

როგორც მან აღნიშნა, ამ ეტაპზე მძიმე პაციენტი არ ჰყავთ.

„ჩვენს ცენტრში გუშინ შემოვიდა სამი დადასტურებული შემთხვევა და ერთი შესაძლო, მაგრამ ეს ერთი ოჯახია. დიდი ალბათობით, ესეც დადასტურებული იქნება. ჩავთვალოთ, რომ 4 დადასტურებული შემთხვევაა. ეს 4 შემთხვევა არის საბურთალოს წყაროსთან კონტაქტში მყოფი პირები. ამ ეტაპზე ჩვენთან წევს 58 დადასტურებული შემთხვევა. გამოჯანმრთელებული მხოლოდ 1 გვყავდა გუშინ.

ჩვენს სამ მძიმე პაციენტთან მიღებული რადიოლოგიური შედეგებით მნიშვნელოვანი გაუმჯობესება შეინიშნება. აქედან გამომდინარე, ეს პაციენტები ამოღებული არიან როგორც მძიმე პაციენტები. დღეს 58 პაციენტს შორის პრობლემური, მძიმე ავადმყოფი არ გვყავს. არიან პაციენტები, რომელთა მდგომარება პნევმონიის გამო მაინც შეიძლება ითქვას რომ მძიმეა, თუმცა პროგნოზი კეთილსაიმედოა. არასრულწლოვანი კიდევ ერთი მივიღეთ და სულ ორი გვყავს“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

კობახიძე - გულწრფელად ვულოცავ ფაშინიანს არჩევნებში მისი პარტიის წარმატებას

ფაშინიანის "სამოქალაქო კონტრაქტის" ეგზიტპოლით, მათი პარტია არჩევნებში 56.7%-ით იმარჯვებს

სომხეთში საპარლამენტო არჩევნები დასრულდა

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა