საქართველოს მთავრობის ადმინისტრაციის ადამიანის უფლებათა დაცვის სამდივნო, გაეროს ადამიანის უფლებათა უმაღლესი კომისრის ოფისის (OHCHR) მხარდაჭერით, ადამიანის უფლებათა დაცვის საკითხებზე საინფორმაციო კამპანიის ჩატარებას აგრძელებს.

როგორც „ექსპრესნიუსს“ ზუგდიდის მუნიციპალიტეტის გამგეობიდან აცნობეს, ადამიანის უფლებათა დაცვის შესახებ ცნობიერების ამაღლების მიზნით, მთავრობის ადმინისტრაციის ადამიანის უფლებათა დაცვის სამდივნოს უფროსი ნატალია ჯალიაშვილი იუსტიციის სამინისტროს საერთაშორისო საჯარო სამართლის დეპარტამენტის წარმომადგენლებთან ერთად დღეს სამეგრელო - ზემო სვანეთის რეგიონის მუნიციპალიტეტების წარმომადგენლებს შეხვდნენ.

მათივე ინფორმაციით, კამპანიის ფარგლებში გაიმართა შეხვედრები ადგილობრივი თვითმმართველობების, მედიისა და ადგილობრივი არასამთავრობო ორგანიზაციების წარმომადგენლებთან. შეხვედრების მთავარი თემა იყო ადამინის უფლებათა დაცვის ეროვნული და საერთაშორისო მექანიზმები და სტანდარტები. შეხვედრას ზუგდიდის მუნიციპალიტეტის გამგეობის საზოგადოებასთან ურთიერთობის, იურიდიული, ახალგაზრდულ საქმეთა და გენდერის განყოფილების წარმომადგენლები ესწრებოდნენ. 
საინფორმაციო კამპანიის მიზანია ადამიანის უფლებათა დაცვის ეროვნული სტრატეგიისა (2014 – 2020) და ადამიანის უფლებათა დაცვის სამთავრობო სამოქმედო გეგმის (2014 – 2015) პოპულარიზაცია და ის საქართველო - ევროკავშირის ვიზა - ლიბერალიზაციის სამოქმედო გეგმის შემფასებელი მისიის რეკომენდაციის შესაბამისად ხორციელდება.
მთავრობის ადმინისტრაციის ადამიანის უფლებათა დაცვის სამდივნომ ანალოგიური კამპანია 12 – 15 აგვისტოს რაჭა - ლეჩხუმსა და ზემო სვანეთში ჩაატარა. სამეგრელოს შემდეგ კი მომდევნო რეგიონი, სადაც ანალოგიური შეხვედრა გაიმართება აჭარაა. წლის ბოლომდე მსგავსი შეხვედრები ყველა რეგიონში ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა