პრემიერ-მინისტრმა გიორგი გახარიამ განაცხადა, რომ საგანგებო მდგომარეობისა და შეზღუდვების დარღვევისთვის დაწესებული ჯარიმები იყო შემაკავებელი ინსტრუმენტი, რომელიც ხელისუფლებამ ეფექტურად გამოიყენა.

მისივე თქმით, მთავრობა ვერავის მოუწოდებს, რომ გაუქმდეს აღნიშნული ჯარიმები, თუმცა მანვე დასძინა, რომ ჯარიმების გარკვეული ნაწილი გადასახედია და ეს გაკეთდება.

„ჯარიმა იყო შემაკავებელი ინსტრუმენტი და ჩვენ ეს შემაკავებელი ინსტრუმენტი საკმაოდ ეფექტურად გამოვიყენეთ, განსაკუთრებით მას შემდეგ, რაც რეკომენდაციებმა არ იმუშავა. მოქალაქეებმა, რომლებმაც დაარღვიეს სხვადასხვა სახის სერიოზული შეზღუდვა, ასეთი მოქალაქეების რაოდენობა იყო 9 ათასი, არ უნდა დაგვავიწყდეს, რომ პანდემია გრძელდება.

ჩვენ ვერავის ვერ მოვუწოდებთ ამ ჯარიმების გაუქმებას. ეს ერთმნიშვნელოვნად ყველას უნდა გვესმოდეს, რამეთუ შემდგომში პრევენციის ძალა უბრალოდ არ იმუშავებს. მესმის, რომ ჯარიმების გარკვეული ნაწილი გადასახედია შემდგომისთვის და ჩვენ ამას გავაკეთებთ, თუმცა ჩვენ აქ ვერანაირ მითითებას, მითუმეტეს დირექტიულს, პარლამენტს ვერ მივცემთ“, - განაცხადა პრემიერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აშშ ფედერალურ დონეზე აღადგენს სიკვდილით დასჯის მეთოდს დახვრეტის გზით

აშშ-მ თეირანთან მოლაპარაკებების დაწყებამდე ირანის ჩრდილოვან ტანკერებსა და ჩინურ ნავთობგადამამუშავებელ ქარხანას სანქციები დაუწესა

„საქართველოს ნავთობისა და გაზის კორპორაციაში“ გაცემული ₾7 მლნ-ის პრემია არ არის სათანადოდ დასაბუთებული - აუდიტი

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ