აჭარის მთავრობამ მოწყვლადი ჯგუფების დახმარების მეორე ეტაპი დაიწყო. ამ ეტაპზე მთავრობა 20 000-მდე სხვადასხვა სოციალური კატეგორიის ოჯახისთვის 12 სახის პროდუქტზე 894 627 ლარს დახარჯავს. სასურსათო კალათები აჭარის ექვსივე მუნიციპალიტეტში დარიგდება.

დახმარებას ე.წ. ოცნების ქალაქში დასახლებული ოჯახების, გარდა მიიღებენ აჭარის ავტონომიური რესპუბლიკის ტერიტორიაზე რეგისტრირებული:

- შეზღუდული შესაძლებლობის სტატუსის მქონე ბავშვები, მკვეთრად გამოხატული შეზღუდული შესაძლებლობის მქონე პირები, მარჩენალდაკარგულები, მარტოხელა მშობელები და შეზღუდული შესაძლებლობის მქონე ვეტერანები.

- ასევე სოციალურად დაუცველი ოჯახების მონაცემთა ერთიან ბაზაში 100 000-ზე ნაკლები ან ტოლი სარეიტინგო ქულით შეზღუდული შესაძლებლობის მქონე პირები, მარტოხელა პენსიონერები და სარეცელს მიჯაჭვული მოქალაქეები.

- სასურსათო კალათას აგრეთვე მიიღებს სოციალურად დაუცველი ოჯახების მონაცემთა ერთიან ბაზაში 200 000-ზე ნაკლები ან ტოლი სარეიტინგო ქულის მქონე მრავალშვილიანი ოჯახები - სამი და მეტი შვილით და ამავე სარეიტინგო ქულის მქონე ვეტერანები (3-4 შვილი - 1 ,,სასურსათო კალათა“, 5 და მეტი შვილი - 2 ,,სასურსათო კალათა“).

აჭარის მთავრობა თავდაპირველად 7000 ოჯახს დაეხმარა. სურსათის შესაძენად აჭარის მთავრობის თავმჯდომარის სარეზერვო ფონდიდან 400 000 ათას ლარამდე გამოიყო. შეძენილი პროდუქტები აჭარის ექვსივე მუნიციპალიტეტში გადანაწილდა და ხანდაზმულებს, შეზღუდული შესაძლებლობის მქონე პირებს, სოციალურად დაუცველებს, მარტოხელა პენსიონერებს, სარეცელს მიჯაჭვულ პირებს გადაეცა.

პროცესს კოორდინაციას ახალგაზრდობის რეგიონული ცენტრი უწევდა. ახალგაზრდობის რეგიონულმა ცენტრმა წითელ ჯვართან ერთად ორგანიზება გაუკეთა მოხალისეთა რეგისტრაციას, გადამზადებას და ეკიპირებას. პანდემიის პერიოდში ახალგაზრდული ცენტრი წითელ ჯვართან ერთად დღემდე ახორციელებს მოხალისეობრივ დასაქველმოქმედო საქმიანობას. ცენტრი უკვე ათი ათასზე მეტ ოჯახს დაეხმარა სასურსათო კალათებით, მედიკამენტებითა და ყოველდღიური საჭიროების პროდუქტებით.

ავტორი: NS (სტატია დაფინანსებულია),

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა