პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, რისკი არ შემცირებულა, პანდემია რჩება პანდემიად და შესაძლოა იყოს მეორე და ასევე მესამე ტალღა.

მისი თქმით, სწორედ აღნიშნულიდან გამომდინარეა საჭირო, რომ დააზუსტონ ის შეზღუდვები, რომელიც საგანგებო მდგომარეობის გარეშე იმოქმედებს პანდემიების დროს.

 „რისკი არ შემცირებულა, პანდემია რჩება პანდემიად და შესაძლოა იყოს მეორე და ასევე მესამე ტალღა. სწორედ ამიტომ, რომ დავაზღვიოთ ჩვენი მოქალაქეები და არ გახდეს საჭირო საგანგებო მდგომარეობის გაგრძელება და საკანონმდებლო დონეზე მთავრობას ჰქონდეს კრიზისის სწორად მართვის საშუალება, ამიტომ ჩვენ შემოვიტანეთ ინიციატივა საზოგადოებრივი ჯანდაცვის შესახებ კანონში, დავაზუსტოთ ის რეგულაციები, რომელიც იმოქმედებს მხოლოდ პანდემიების და საშიში ინფექციების გავრცელების შემთხვევაში", - განაცხადა დიმიტრი ხუნდაძემ.

შეგახსენებთ, რომ შეზღუდვების შესახებ საკანონმდებლო ცვლილებებს პარლამენტი დღევანდელ სხდომაზე განიხილავს. აღსანიშნავია ისიც, რომ საკანონმდებლო ცვლილებების მხარდაჭერას საპარლამენტო უმრავლესობა აპირებს, ხოლო ოპოზიციაში აცხადებენ, რომ კანონპროექტი არაკონსტიტუციურია და მხარდაჭერასაც არ აპირებენ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით