2020-05-16 11:25:38, 2314 ნახვა

---

სენატორები პომპეოს - საქართველოში შავი ზღვის პორტებთან დაკავშირებული საქმიანობა საფრთხეს უქმნის აშშ-ს ეროვნული უსაფრთხოების საკითხს

აშშ-ს ოთხი კონგრესმენი სახელმწიფო მდივანს, პომეპეოს წერილს უგზავნიან, სადაც საუბარია იმაზე, რომ ბიძინა ივანიშვილს რუსეთთან და ირანთან პირდაპირი კავშირი აქვს.

კონგრესმენები მიმართავენ სახელმწიფო მდივანს, რომ დაიცვან აშშ-ს სახელმწიფოს უსაფრთხოების საკითხი.

„გწერთ, რომ გამოთქვას ჩვენი შეშფოთება საქართველოში მმართველობის გაუარესებისა და შესაძლო უკანონო ფინანსური საქმიანობის შესახებ. ჩვენ შეშფოთებულნი ვართ საქართველოს კავშირით ამერიკის მიმართ მტრულად განწყობილ მეტოქეებთან.

ბოლო ერთი წლის განმავლობაში, საქართველოში უცხოური ინვესტიციები შემცირდა თითქმის 50% -ით, ხოლო გადასახადები და ბიუროკრატიული ბარიერები გაიზარდა დასავლური ბიზნესებისთვის. ამ საკითხებმა პირდაპირ შეარყია ამერიკული კომპანიების ფუნქციონირება და ჩვენი ურთიერთობების გაღრმავება საქართველოსთან.

იმ ფონზე, როდესაც საქართველოში ლეგალური ბიზნესების შევიწროება ხდება, არალეგალურმა აქტივობებმა მოიმატა“, - წერენ კონგრესმენები.

სენატორები თედ კურზი, ჯონ კორნინი, ასევე კონგრესმენები ჯოდი არინგტონი და მარკვეილ მალინი წერილში აღნიშნავენ, რომ არსებობს მასალა, რომელიც ცხადჰყოფს, რომ საქართველო ირანული ნავთობით არალეგალურ ვაჭრობაშია ჩართული.

„არსებული მასალების მიხედვით, ჯერ კიდევ 2013 წლიდან წარმოადგენდნენ ირანელებისთვის დაწესებული ეკონომიკური სანქციების თავიდან არიდების ერთ-ერთ საშუალებას. 2013 წელს ჩვენმა ოფიციალურმა პირებმა შეიტყვეს, რომ მცირე ზომის საბანკო ინსტიტუტი ირანული მხარის კონტროლის ქვეშ იყო მოქცეული და ის დიდი მოცულობის ფულად ტრანზაქციებს ასრულებდა. საქართველოს დასავლური ორიენტაცია და შავ ზღვაზე არსებული პორტები საქართველოს ირანელთა უკანონო ეკონომიკური აქტივობების იდეალურ სამიზნედ აქცევს. მართლაც, უკანასკნელი მასალები მიუთითებენ, რომ ბათუმის პორტი კვლავ იქცა იქცა ირანული ნავთობის ბიზნესის არალეგალური აქტივობების სამიზნედ.

მმართველობის ეს პრობლემები პირდაპირ ძირს უთხრის ამერიკული კომპანიების ოპერირების და ჩვენი კავშირების საქართველოსთან, Frontera Resources-თან, Texas-თან გაღრმავების შესაძლებლობას, რომელიც საქართველოს ნავთობ და გაზის სექტორში უმსხვილესი ამერიკული ინვესტორია. მათ $500 მილიონი აქვთ ინვესტირებული ნავთობისა და გაზის მოპოვების სამუშაოებისთვის. ცოტა ხნის წინ Frontera გახდა დამახშობელი რეგულაციების და შეზღუდვების სამიზნე და ახლა შესაძლო ექსპროპრიაციის საფრთხის წინაშეა საქართველოს მთავრობის მხრიდან.

2019 წელს სხვა ამერიკული კომპანია Conti Group იყო იგივე გზით კონსორციუმიდან გაძევებული, რომელიც ანაკლიაში პორტს აშენებდა, რამაც პროექტი გააჩერა.

ფრონტერას სამუშაოები მიზნად ისახავდა საქართველოს სტაბილური დამოუკიდებლობის მიღებას. ანაკლიაში ნავსადგურის მშენებლობის პროექტი მიზნად ისახავდა რუსეთის ნავსადგურის ინფრასტრუქტურაზე საქართველოს დამოკიდებულების შემსუბუქებას", - ვკითხულობთ წერილში.

მათი თქმით, საქართველოს ამჟამინდელი მთავრობა, „ქართული ოცნება“, გარეულია ამერიკული ბიზნესის გაძევების მცდელობებს, რომლებმაც ჩადეს ინვესტიციები საქართველოს ეკონომიკასა და მომავალში. ნებისმიერი ასეთი მოქმედება მიმართულია გეოპოლიტიკური მიზნებით, მათ შორისაა კავშირები „ქართული ოცნების“ თავმჯდომარის ბიძინა ივანიშვილსა და რუსეთის მთავრობას შორის.

"საქართველოში შავი ზღვის პორტებთან დაკავშირებული საქმიანობა საფრთხეს უქმნის ამერიკის ეროვნული უსაფრთხოების ინტერესებს.

საქართველო არის სტრატეგიული პარტნიორი კავკასიაში და ნატოს მოკავშირეც. ძლიერი პარტნიორობა არის აუცილებელი ამერიკული ინტერესებისთვის, რაც თავის მხრივ მოითხოვს, რომ საქართველო დაუბრუნდეს კარგ მმართველობას.

გადატვირთული გეოსტრატეგიული და საქმიანი ინტერესები მოითხოვს ფართო რეაგირებას ფედერალური მთავრობისაგან და, როგორც ყოველთვის, ჩვენ მზად ვართ მოგაწოდოთ ის რესურსები და დაიცვას ამერიკის ეროვნული უსაფრთხოება“, - წერენ კონგრესმენები.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი