11 ოპოზიციური პარტია 2015 წლის ოქტომბერში შუალედურ არჩევნებში მონაწილეობაზე უარს ამბობს. არჩევნები მარტვილისა და საგარეჯოს ოლქებში უნდა ჩატარდეს.  ბოიკოტის მიზეზი საარჩევნო კანონია. მათი თქმით, ხელისუფლებამ უპასუხოდ დატოვა პარტიების, არასამთავრობოებისა და პრეზიდენტის მიერ მხარდაჭერილი პროექტი. ოპოზიცია აცხადებს,  რომ ამ პირობებში შუალედურ არჩევნებში მონაწილეობას აზრი არ აქვს.

"ჩვენ, ვინაიდან ხელისუფლებამ აბსოლუტურად არც ერთი მოთხოვნა არ გაითვალისწინა, არასამთავრობო ორგანიზაციის და პრეზიდრნტის მხრიდან წარდგენილი მემორანდუმი არც კი განხილა, ვერ  ვხედავთ შუალედურ არჩევნებში მონაწილეობის აზრს, რომელიც ტარდება ოქტომბერში საგარეჯოსა და მარტვილის ოლქებში და ვუცხადებთ ბოიკოტს.მაჟორიტარი დეპუტატები საგარეჯოელებს და მარტვილელებს არ დაეკითხებიან,  ისე დაინიშნება სუსის მიერ",-განაცხადა პარტია „თავისუფალი საქართველოს“,- თავმჯდომარე კახა კუკავამ.

"ბოიკოტი განპირობებულია იმ დრაკონული საარჩევნო კანონით, რომლის შეცვლასაც არ აპირებს ოცნების ხელისუფლება, მიუხედავად მრავალი  დანაპირებისა, ისინი ძალაში ტოვებენ მაჟორიტარულ,  მაფიოზურ სისტემას.არ აპირებენ პარიტეტის საფუძველზე  ჩამოყალიბდეს საარჩევნო ადმინისტრაციები და ა.შ.",-აღნიშნა "ლეიბორისტული პარტიის" წევრმა გიორგი გუგავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძემ თქვა, რომ რუბიოსთან დახურულ თემეზე ისაუბრა

მიხეილ სააკაშვილი: სპონტანური საპროტესტო აქციები რეჟიმისთვის ყველაზე დიდ საფრთხეს წარმოადგენდა

ენმ-ის თავმჯდომარე: ოპოზიციურ ალიანსში გაწევრიანების გადაწყვეტილება სააკაშვილის ინიციატივით იქნა მიღებული

კობახიძე - მდინარაძეს ექნება გამორჩეული როლი სახელმწიფოებრივი გადაწყვეტილების მიღების პროცესში