2020-05-15 12:20:57, 1176 ნახვა

---

სამადაშვილი - ივანიშვილისთვის არსებული სისტემის შენარჩუნება მომგებიანია, სწორედ ამიტომ განაცხადა უარი 8 მარტის შეთანხმების განხორციელებაზე

„არსებული სისტემის შენარჩუნება არის მისთვის უკეთესი და მომგებიანი და სწორედ ამიტომ განაცხადა უარი 8 მარტის შეთანხმების განხორციელებაზე“, - ამის შესახებ „ნაციონალური მოძრაობის“ლიდერმა სალომე სამადაშვილმა განაცხადა.

მისი თქმით, ოპოზიცია გააგრძელებს ზეწოლას იმისთვის, რომ ხელისუფლებამ 8 მარტის შეთანხმება შეასრულოს.

„იმ ეკონომიკური კრიზისის ფონზე და იმ ფონზე, როდესაც სრულიად მიტოვებულები არიან ჩვენი მოქალაქეები ხელისუფლებისგან, ძალიან შეეშინდა ბიძინა ივანიშვილს შემდეგი საპარლამენტო არჩევნების. ამიტომ მას რეალურად სურს მორიგ ჯერზე ჩააგდოს საკონსტიტუციო ცვლილება. ფიქრობს, რომ არსებული სისტემის შენარჩუნება არის მისთვის უკეთესი და მომგებიანი და სწორედ ამიტომ განაცხადა უარი 8 მარტის შეთანხმების განხორციელებაზე. ჩვენ ამ ეტაპზე ვაპირებთ, რომ გავაგრძელოთ ზეწოლა ხელისუფლებაზე იმისთვის, რომ ეს შეთანხმება შედგეს“, - განაცხადა სალომე სამადაშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი