2020-05-11 16:50:19, 1600 ნახვა
პოლიტიკა
წულუკიანი - ოპოზიცია აბსურდული თემებით აპელირებს, რომელსაც ე.წ. პოლიტპატიმრების გათავისუფლება ჰქვია
ოპოზიცია აბსურდული თემებით აპელირებს, რასაც ე.წ. პოლიტპატიმრების გათავისუფლება ჰქვია, - ამის შესახებ იუსტიციის მინისტრმა თეა წულუკიანმა განაცხადა.
მისი თქმით, 8 მარტის შეთანხმებაში პატიმართა გათავისუფლებაზე არანაირი საუბარი არ ყოფილა.
„მოლაპარაკებების შედეგად გამოიცა წერილობითი დოკუმენტი, სადაც არავითარ პატიმართა გათავისუფლებაზე საუბარი არ არის. ძალიან დასანანია, რომ ის ერთსულოვნება, რაც „ქართული ოცნების“ გუნდის შიგნით დღეს არსებობს, რომ უფრო მეტად პროპორციული გახდეს ჩვენი საარჩევნო სისტემა, და ამისთვის მმართველი გუნდი ყველაფერს აკეთებს, არ არის რადიკალური ოპოზიციის მიერ მხარდაჭერილი, ისინი აპელირებენ ისეთი თემებით, რომელიც აბსურდთან არის ახლოს და რომელსაც ე.წ. პოლიტპატიმრების გათავისუფლება ჰქვია“, - განაცხადა თეა წულუკიანმა.
ავტორი: ექსპრესნიუსი,
epn.ge (@expressnews.ge)
