2020-04-27 20:47:26, 2020 ნახვა

---

თბილისის პოლიციის დეპარტამენტის არასრულწლოვანთა საქმეების სამმართველოს თანამშრომლებისთვის კვალიფიკაციის ასამაღლებელი ტრენინგი ჩატარდა

არასრულწლოვანთა მართლმსაჯულებაში სერტიფიცირებული გამომძიებლები და დეტექტივები, რომლებიც შინაგან საქმეთა სამინისტროს ქ. თბილისის პოლიციის დეპარტამენტის არასრულწლოვანთა სამმართველოში იმუშავებენ არასრულწლოვანთა მიერ და მათ მიმართ ჩადენილი დანაშაულების გამოძიებაზე, კვალიფიკაციის ასამაღლებელ სწავლების ონლაინ კურსს გადიან.

აღნიშნული დისტანციური კურსი 4 დღის განმავლობაში მიმდინარეობს და მოიცავს ისეთ საკითხებს, როგორიცაა: ბავშვის განვითარების ფსიქო-სოციალური ასპექტები, დაზარალებული და მოწმე არასრულწლოვნის ფსიქოლოგიური პორტრეტი; ბავშვთან ურთიერთობის სპეციფიკა; არასრულწლოვანთა გამოკითხვის თავისებურებანი, მეორეული და ხელახალი ვიქტიმიზაცია, არასრულწლოვანთა მართლმსაჯულების ძირითადი პრინციპები, პრაქტიკული სავარჯიშოები და სხვა.

კურსი ხორციელდება ევროპის საბჭოს „არასრულწლოვან და ზრდასრულ თავისუფლებააღკვეთილ პირთა მხარდაჭერა“ პროექტის ფარგლებში.

აღნიშნული პროექტის განხორციელება 2019 წელს დაიწყო და 2021 წლამდე გაგრძელდება. პროექტის მიზანია შინაგან საქმეთა სამინისტროს თანამშრომელთა შესაძლებლობის გაძლიერებით, ხელი შეუწყოს არასრულწლოვანთა, თავისუფლებააღკვეთილ პირთა უფლებების დაცვის სტანდარტის, არასათანადო მოპყრობასთან ბრძოლის გაუმჯობესებას.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი