გარემოს დაცვისა და სოფლის მეურნეობის მინისტრმა, ლევან დავითაშვილმა ამერიკის შეერთებული შტატების ელჩთან, კელი დეგნანთან ონლაინ შეხვედრა გამართა.

ელჩმა ყურადღება ახალი კორონავირუსის გავრცელების წინააღმდეგ ბრძოლაში საქართველოს მთავრობის მიერ დროული და ეფექტიანი პრევენციული  ღონისძიებების შედეგად მიღწეულ ხელშესახებ პოზიტიურ შედეგებზე გაამახვილა.

კელი დეგნანმა შექმნილ ვითარებაში მოსახლეობისთვის  სურსათის შეუფერხებელი მიწოდების და მარაგების კონტროლის განსაკუთრებულ მნიშვნელობაზე ისაუბრა და აღნიშნა, რომ საქართველოს მთავრობის კოორდინირებული მუშაობით და გარემოს დაცვისა და სოფლის მეურნეობის სამინისტროს მიერ პროცესების ეფექტიანი მართვის შედეგად, ქვეყანაში არ შექმნილა სურსათით და პირველადი საჭიროების პროდუქციით უზრუნველყოფის პრობლემა.

ელჩმა შეხვედრაზე ვირუსის გავრცელების წინააღმდეგ ბრძოლაში მიღწეული პროგრესის შენარჩუნებაში საზოგადოების მხრიდან მაღალი პასუხისმგებლობის გამოჩენის მნიშვნელობას გაუსვა ხაზი.

ლევან დავითაშვილმა საქართველოში Covid 19-ის გავრცელების შედეგად შექმნილ ვითარებაზე და ახალ გამოწვევებზე ისაუბრა. მხარეებმა ქვეყნებს შორის სამომავლო თანამშრომლობის, მათ შორის, მცირე და საშუალო მეწარმეების მხარდაჭერის საკითხები განიხილეს.

მინისტრმა მადლობა გადაუხადა ამერიკის მთავრობას, ამერიკის შეერთებული შტატების საერთაშორისო განვითარების სააგენტოს (USAID) და  ამერიკის შეერთებული შტატების სოფლის მეურნეობის დეპარტამენტს (USDA) აგრარული დარგის განვითარებაში გაწეული მრავალწლიანი, მნიშვნელოვანი მხარდაჭერისთვის.

ონლაინ შეხვედრას გარემოს დაცვისა და სოფლის მეურნეობის მინისტრის მოადგილე ხატია წილოსანი ესწრებოდა. 

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე