"თავისუფალი დემოკრატების" ლიდერი, ირაკლი ალასანია ე.წ. კაბელების საქმეზე ბრალდებულების თავდაცვის სამინისტროში აღდგენას გამოეხმაურა. 

როგორც ალასანიას განცხადებაშია აღნიშნული, უწყებაში გიორგი ლობჟანიძე და არჩილ ალავიძე აღადგინეს.

„ვულოცავ ჩემს ღირსეულ თანამშრომლებს გიორგი ლობჟანიძეს და არჩილ ალავიძეს სამსახუხურში აღდგენას და იმედი მაქცვს სამართლიანობა დანარჩენი 3 თანამშრომლის ნუგზარ კაიშაურის, გიზო ღლონტის და დავით წიფურიას შემთხვევაშიც იზეიმებს, რომლებიც ასეთივე უდანაშაულო მსხვერპლი იყვნენ "კაბელების" გამოგონილი საქმის. ამ ფაქტს, ასევე ვულოცავ თავდაცვის სამინისტროს და მთელ საზოგადოებას“, - ნათქვამია ირაკლი ალასანიას განცხადებაში, რომელიც Facebook-ის გვერდზე გამოქვეყნდა.

გავრცელებული ინფორმაციით, თავდაცვის მინისტრმა თინა ხიდაშელმა ე.წ კაბელების საქმეზე ბრალდებული  გიორგი ლობჟანიძე, არჩილ ალავიძე, დავით წიფურია, გიზო ღლონტი და ნუგზარ კაიშაური თანამდებობებზე აღადგინა. 

ინფორმაცია „ექსპრესნიუსს“ თავდაცვის სამინისტროში დაუდასტურეს. 

როგორც უწყებაში განაცხადეს, დეტალებს მოგვიანებით გაავრცელებენ.

შეგახსენებთ, საქართველოს მთავარმა პროკურატურამ თავდაცვის სამინისტროს მაღალჩინოსნები 28 სექტემბერს დააკავა. მათ ბრალად 4 102 872 ლარის გაფლანგვა ედებოდათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება