2020-04-14 16:21:36, 1777 ნახვა
კომენტარი
ანდრია ჯაღმაიძე - ეს არის ისეთი ინფექცია, რომელიც დროთა განმავლობაში ყველას შეგვეყრება
„ეს არის ისეთი ინფექცია, რომელიც დროთა განმავლობაში ყველას შეგვეყრება“, - ამის შესახებ საპატრიარქოს პრესცენტრის ხელმძღვანელმა ანდრია ჯაღმაიძემ განაცხადა.
მანვე აღნიშნა, რომ ტაძრების დახურვა და მსახურების შეჩერება წარმოუდგენელი რამეა.
„ის რომ ადამიანი ეზიარება, არ არის გარანტია იმის, რომ ჩვენ ინფექციისგან ვიქნებით დაზღვეულნი. ჩვენ ეპიდემიოლოგები გვეუბნებიან, რომ ეს არის ისეთი ინფექცია, რომელიც დროთა განმავლობაში ყველას შეგვეყრება, ადრე თუ გვიან. მთავარი სტრატეგიაა, რომ ეს პროცესი არ მოხდეს ერთბაშად და არ გადაიტვირთოს ჯანდაცვის სისტემა. ტაძრების დახურვა, მსახურების შეჩერება წარმოუდგენელი რამეა, ამიტომ ყველას ვაფრთხილებთ, რომ დავიცვათ წესები“, - განაცხადა ანდრია ჯაღმაიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
