„ევროპული საქართველოს“ ლიდერი გიგა ბოკერია გამოეხმაურა ირაკლი ოქრუაშვილის სასამართლო პროცესს, სადაც დღეს ოქრუაშვილის საქმეზე განაჩენს გამოაცხადებენ და აღნიშნა, რომ მას ამასთან დაკავშირებით, კარგი პროგნოზის საფუძველი არ აქვს.

ბოკერიამ დაამატა, რომ კორონავირუსის ჩავლის შემდეგ უნდა დავუბრუნდეთ ნორმალურ პოლიტიკურ პოცესს, ხოლო ნორმალური პოლიტიკური პროცესები ვერ დაბრუნდება თუ ციხეში არიან პოლიტიკური პატიმრები. ირაკლი ოქრუაშვილი არის ერთ-ერთი მათგანი.

„სამწუხაროდ, კარგი პროგნოზის საფუძველი არ მაქვს ამ ეტაპზე. ოღონდ ივანიშვილსა და მის გუნდს უნდა ახსოვდეს, რომ ახლა მთელი საზოგადოება არის კონცენტრირებული ამ უზარმაზარ საფრთხეზე, რომელიც დგას მთელი მსოფლიოსა და საქართველოს წინაშეც. მაგრამ ეს საფრთხე გადაივლის, საქართველო და მსოფლიო ამას გაუმკლავდება. ჩვენ უნდა დავუბრუნდეთ ნორმალურ პოლიტიკურ პოცესს და იქნება არჩვენები და ნორმალური პოლიტიკური პროცესები ვერ დაბრუნდება თუ ციხეში არიან პოლიტიკური პატიმრები. ირაკლი ოქრუაშვილი არის ერთ-ერთი მათგანი და უნდა იყოს თავისუფალი“, - განაცხადა გიგა ბოკერიამ.

შეგახსენებთ, რომ ირაკლი ოქრუაშვილის საქმეზე, სასამართლო განაჩენს დღეს გამოაცხადებს. ოქრუაშვილს 20-21 ივნისის აქციაზე ჯგუფური ძალადობის ორგანიზებას, ხელმძღვანელობას და მასში მონაწილეობას ედავებიან.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა