2020-04-08 21:15:46, 1678 ნახვა
რეგიონი
გაგრაში, სადაც COVID-19-ის პირველი შემთხვევა დაფიქსირდა, „კომენდანტის საათი“ გამოცხადდა
გაგრაში, სადაც COVID-19-ის პირველი შემთხვევა დაფიქსირდა, ე.წ. კომენდანტის საათი გამოცხადდა.
ადგილობრივი მედიის ინფორმაციით, ოკუპირებული აფხაზეთის დე ფაქტო პრეზიდენტის მოვალეობის შემსრულებელმა ვალერი ბგანბამ გაგრაში „კომენდანტის საათის“ შემოღების შესახებ განკარგულებას ხელი მოაწერა.
უწყების თქმით, განკარგულებაში ნათქვამია, რომ ე.წ. კომენდანტის საათი 20:00 საათიდან დილის 7:00 საათამდე იმოქმედებს, რა დროსაც იკრძალება ქუჩაში და საცხოვრებლის გარეთ ყოფნა.
შეგახსენებთ, რომ კომენდანტის საათი შემოღებულია აფხაზეთშიც.
ცნობისთვის, გუშინ, ოკუპირებულ აფხაზეთში კორონავირუსით დაინფიცირების პირველი შემთხვევა დაფიქსირდა.
ავტორი: ექსპრესნიუსი,
epn.ge (@expressnews.ge)
