ეუთო-ს წარმომადგენელი მედიის თავისუფლების საკითხებში დუნია მიატოვიჩი ტელეკომპანია "რუსთავი 2"-ის საქმეს გამოეხმაურა.

მიატოვიჩის განცხადებით, "რუსთავი 2"-ის საკუთრებასთან დაკავშირებულმა გადაჭარბებულმა სასამართლო ზომებმა შესაძლოა, საფრთხე შეუქმნას თავისუფალ მედიასა და მედიაპლურალიზმს.

"სასამართლოს გადაწყვეტილებამ შესაძლოა, უარყოფითად იმოქმედოს "რუსთავი 2"-ის თავისუფლად მუშაობაზე. ეს გადაწყვეტილება არის არაპროპორციული, გადაჭარბებული და შესაძლოა, საფრთხე შეუქმნას მედიაპლურალიზმს საქართველოში. მოვუწოდებ ხელისუფლებას, უზრუნველყოს ქვეყანაში მედიაპლურალიზმი", - აღნიშნა მიატოვიჩმა.

დუნია მიატოვიჩის განცხადება ეუთო-ს ოფიციალურ ვებგვერდზეა გამოქვეყნებული.

შეგახსენებთ, თბილისის საქალაქო სასამართლოს 5 აგვისტოს გადაწყვეტილებით, „რუსთავი 2“–ის ქონება სრულად დააყადაღებულია. სასამართლომ გადაწყვეტილება ბიზნესმენ ქიბარ ხალვაშის სარჩელის საფუძველზე მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება