პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, დიმიტრი ხუნდაძის განცხადებით, კორონავირუსთან დაკავშირებით ამ ეტაპზე ქვეყანაში პანიკის საფუძველი არ არსებობს, თუმცა კრიზისული ფაზისთვის მზად უნდა ვიყოთ.

როგორც მან ჟურნალისტებს განუცხადა, აღნიშნული საკითხი დღეს უწყებათაშორისი საბჭოს სხდომაზეც განიხილება, რათა ვიცოდეთ, რამდენად არის შექმნილ ვითარებაში ჯანდაცვის სისტემა მზად.

„პანიკის საფუძველი არ არის, მაგრამ სწორად უნდა გავიაროთ ისევე, როგორც სწორად გავიარეთ შეკავების ფაზა. ასევე პრეკრიზისული ფაზაც რომ სწორად გავიაროთ ამის მზაობა არსებობს. ჩვენ უნდა მოვემზადოთ კრიზისული ფაზისთვის, როდესაც ყველაზე მეტი დაწოლა წამოვა ჯანდაცვის სექტორზე, ანუ წინა ხაზს უკვე დაიკავებენ სრულად სამედიცინო სექტორის წარმომადგენლები. ამიტომ, დღეს ჩვენ სხდომაზე გვექნება ერთ-ერთი ძირითადი საკითხი, რომ კიდევ ერთხელ გავაკეთოთ ჯანდაცვის სექტორის რევიზია, რამდენად არის მზად. ასევე შევეხმიანო მოქალაქეებს, რომ დაიცვან წესები, რეკომენდაციები, ფიზიკური დაშორება და ჰიგიენის წესები. თუ გვინდა, რომ ეს მძიმე დღეები იყოს ტკბილ მოგონებად, შევასრულოთ ყველა რეკომენდაცია. ეპიდემიოლოგიური ვითარება სადაც როგორ განვითარდება იქნება შესაბამისი რეგულაციები შემოტანილი. ხედავთ, რომ ვირუსი არ არჩევს არც საკრებულოს წევრობას, არც თანამდებობას, არც პოლიტიკურ მრწამსს, არც გვარიშვილობას. ასე რომ, ყველას გვჭირდება სიფრთხილე და რეკომენდაციების შესრულება“, - განაცხადა დიმიტრი ხუნდაძემ.

ავტორი: ექსპრესნიუსი,

სოციალური ქსელები

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო