მიხეილ სააკაშვილი და „ერთიანი ნაციონალური მოძრაობა“, მთავრობას საქართველოს მოქალაქეების სამშობლოში დაბრუნებას სთავაზობს.

აღნიშნულის შესახებ დღეს გამართულ ბრიფინგზე გრიგოლ ვაშაძემ ისაუბრა.

ოპოზიციონერი ლიდერის თქმით, უკრაინული ავიაკომპანია „სქაიაფის“ საშუალებით, საქართველოს მოქალაქეებს შესაძლებლობა ექნებათ უფასოდ დაბრუნდნენ სამშობლოში.

„გასულ ორშაბათს ერთიანმა ნაციონალურმა მოძრაობამ დაიწყო იმმსაქართველოს მოქალაქეების აღრიცხვა, რომლებიც ევროპის სხვადასხვა ქალაქებში არიან ჩარჩენილები.

საქართველოს მესამე პრეზიდენტმა უმოკლეს ვადებში მოიძია დახმარების გზები -უკრაინული ავიაკომპანია „სქაიაფი“, რომლითაც ჩვენს თანამოქალაქეებს საშუალება ექნებათ უფასოდ დაბრუნდნენ სამშობლოში.

გუშინ საღამოს მონაცემებით ჩვენ დაგვიკავშირდა 2950 ადამიანი. საშუალება გვაქვს 31 მარტიდან გავახორციელოთ 4 რეისი.

31 მარტი - ვარშავა-კიევი-თბილისი

1 აპრილი -  ბერლინი თბილისი

1 აპრილი - რომი თბილისი

2 აპრილი - ბარსელონა თბილისი

ძირითადი სამუშაოები უკვე ჩატარებულია, მოძიებულია სახსრები და ავიაკომპანია. მაგრამ ესაა საქმის 2/3 . ახლა საჭიროა ხელისუფლების ჩარევა, მათი მხრიდან დახმარება.  საჭიროა მოლაპარაკებები, რომ მივიღოთ ამ ფრენების განხორციელების ნებართვა. ასევე, საბაჟო და სასაზღვრო მომსახურების მიღება და სამედიცინო კონტროლის ჩატარება.

ჩვენ მოგვარებული გვაქვს საკარანტინე ადგილების პრობლემაც. ახლა მთავარია მთავრობასთან სწრაფი მოლაპარაკებების დაწყება“, - განაცხადა გრიგოლ ვაშაძემ.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა