2020-03-12 11:20:28, 1407 ნახვა

---

კალაძე - სიტუაციის გაუმჯობესებამდე აღარ ჩატარდება ისეთი კომისიებისა და საბჭოს სხდომები, რომელზე დასწრებაც მოქალაქეებს უწევთ

"სიტუაციის გაუმჯობესებამდე აღარ ჩატარდება ისეთი კომისიებისა და საბჭოს სხდომები, რომელზე დასწრებაც მოქალაქეებს უწევთ", - ამის შესახებ თბილისის მერმა კახა კალაძემ განაცხადა.

 

მან მოუწოდა თავის მოადგილეებს, გუბერნატორებსა და საქალაქო სამსახურის ხელმძღვანელებს, რომ მათ თანამშრომლ3ბს დისტანციურად მუშაობის უფლება მისცენ.

 

"მერიაში დაგეგმილია იმ ტიპის სერვისებზე იმ ხელმისაწვდომობის შეზღუდვა, რომელი მომსახურების მიღებაც დაკავშირებულია ხალხმრავლობასა და ისეთ გარემოსთან, სადაც შედარებით მაღალია ვირუსის გავრცელების რისკები.

 

დროებით ქალაქ თბილისის მუნიციპალიტეტის მხრიდან შემდეგი სერვისების მიწოდება - მიწის ლეგალიზაციის თაობაზე განცხადების მიღება და უფასო იურიდიული დახმარების გაწევა. ასევე მინდა დავავალო ჩემს მოადგილებს, საქალაქო სამსახურის ხელმძღვანელებსა და გამგებლებს, რომ თანამშრომლებს დისტანციურად მუშაობის საშუალება მისცენ. სიტუაციის გაუმჯობესებამდე აღარ ჩატარდება ისეთი კომისიებისა და საბჭოს სხდომები, რომელზე დასწრებაც მოქალაქეებს უწევთ", - განაცხადა კახა კალაძემ.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი