2020-03-05 22:05:56, 1800 ნახვა

---

ამირან გამყრელიძე - საქართველოში დადასტურდა კორონავირუსის 5 ახალი შემთხვევა, ყველა მათგანის კონტაქტი დაკავშირებულია იტალიასთან

საქართველოში კორონავირუსით კიდევ 5 ახალი შემთხვევა დადასტურდა და ინფიცირებულთა საერთო რაოდენობა 9- შეადგენს.

ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ გამართულ ბრიფინგზე განაცხადა.

როგორც მან აღნიშნა,კორონავირუსით ინფიცირებული 5-ვე პაციენტის კონტაქტი დაკავშირებულია იტალიასთან და ისინი საქართველოში კვირას დაბრუნდნენ. 

"ყველა ეს კონტაქტი დაკავშირებულია იტალიასთან. ამ აღებული ნიმუშებიდან 5 აღმოჩნდა დადებითი. ეს გახლავთ ე.წ. ერთი კლასტერი ანუ ერთმანეთთან დაკავშირებული შემთხვევები, ძირითადად ოჯახური შემთხვევები, რომლებიც ყველა ერთად გახლდნენ იტალიაში და დაბრუნდნენ კვირას საქართველოში. ამიტომ, ახლანდელი მონაცემებით, საქართველოში გვაქვს კორონავირუსის 9 დადასტურებული შემთხვევა. ყველა შემთხვევა ამ ეტაპისთვის კლინიკურად დამაკმაყოფილებელია. მხოლოდ მეოთხე დადასტურებული შემთხვევა წინა სამთან შედარებით, კლინიკურად უფრო მეტად საყურადღებო გახლავთ და მიმდინარეობს მასზე კლინიკური მეთვალყურეობა და შესაბამისი მკურნალობა. დანარჩენი 5 ადამიანი დღეს იქნენ მოთავსებული საღამოს ინფექციურ საავადმ,ყოფოში და მათზე მიმდინარეობს დამატებითი კლინიკური კვლევები. ლაბორატორიულად ისინი გამოკვლეულნი არიან და მათ დადასტურებული აქვთ კორონავირუსული ინფექცია", - განაცხადა ამირან გამყრელიძემ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი