2020-02-29 17:49:42, 2583 ნახვა

---

ამირან გამყრელიძე - მინდა, ბოდიში მოვუხადო ადამიანებს, თუ მათ საკარანტინო სივრცეში მოუმზადებელი პირობები დახვდათ

„მინდა, ღია ეთერში ბოდიში მოვუხადო ადამიანებს, თუ მათ საკარანტინო სივრცეში გარკვეულწილად მოუმზადებელი პირობები დახვდათ“, - ასე გამოეხმაურა დაავადებათა კონტროლის ეროვნული ცენტრის ხელმძღვანელი ამირან გამყრელიძე „ევროპული წევრის“, ზურაბ ჭიაბერაშვილის მიერ გავრცელებულ ინფორმაციას.  

აღნიშნულის მიზეზად, გამყრელიძე ექსტრემალურ პირობებში მუშაობას ასახელებს.  

„მოგეხსენებათ, რომ ჩვენ ექსტრემალურ პირობებში ვმუშაობთ. მინდა, ღია ეთერში ბოდიში მოვუხადო ადამიანებს, თუ მათ გარკვეულწილად მოუმზადებელი პირობები დახვდათ საკარანტინო სივრცეში. ვიცი, რომ ჯანდაცვის სამინისტრო დილიდან ინტენსიურად არის ჩართული ამ საკითხში და ყველაფერი წესრიგდება“, - აღნიშნა ამირან გამყრელიძემ.

ცნობისთვის, „ევროპული საქართველოს“ წევრმა ზურაბ ჭიაბერაშვილმა, სოციალურ ქსელში დაწერა, რომ საკარანტინო ზონაში მოთავსებულმა ერთ-ერთმა პაციენტმა შენობაში შესაბამისი პირობების არ არსებობასთან დაკავშირებით აცნობა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი