მარგველაშვილი "ეროვნული ბანკის შესახებ" კანონპროექტის საკითხის საკონსტიტუციო სასამართლოს გზით გადაწყვეტის შესაძლებლობას არ განიხილავს

2015-08-01 09:59:52, 382 ნახვა

პოლიტიკა

საქართველოს პრეზიდენტი "ეროვნული ბანკის შესახებ" კანონპროექტთან დაკავშირებული საკითხის საკონსტიტუციო სასამართლოს გზით გადაწყვეტის შესაძლებლობას არ განიხილავს.

როგორც გიორგი მარგველაშვილმა "მაესტროს ცხრიანში" განაცხადა, ის იმედოვნებს, რომ ვეტო იქნება შესაძლებლობა, მმართველი გუნდი მის მოტივირებულ შენიშვნებზე დაფიქრდეს.

"არ განვიხილავ, რომ ეს ასე გადაწყდეს. არის ემოცია, რომელიც უკავშირდება მცდელობას, რომ ჩემთან მოხდეს დაპირისპირება, მიუხედავად იმისა, რომ არ შევდივარ ამ დაპირისპირებაში და არ ვაპირებ. ეს ემოციები, ალბათ, ნელ-ნელა დამშვიდდება. ალბათ, მანამ, სანამ ასეთი აგრესიული რეაქცია იქნება, წაიკითხავენ ამ კანონპროექტს და იქნებ დაინახონ, რომ ეს ძალიან საინტერესო გამოსავალია, რომელიც აძლევს საშუალებას ამ სიტუაციის განმუხტვის. დაინახონ, რომ მე არ ვუპირისპირდები და არ ვებრძვი მათ. დაინახონ, რომ მე ერთგული ვარ იმ ღირებულებების, რაზეც ერთად ვსაუბრობდით დაახლოებით სამი წლის წინ, რომ ქვეყანა ასე უფრო გაძლიერდება", - განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან