2020-02-24 18:51:56, 2170 ნახვა

---

ვოლსკი IPSOS-ის კვლევაზე: ნიკა გვარამია როგორ ჩაატარებდა ისეთ კვლევას, სადაც გაერთიანებულ ოპოზიციას არ ექნებოდა უპირატესობა

„ნიკა გვარამია როგორ ჩაატარებდა ისეთ კვლევას, სადაც გაერთიანებულ ოპოზიციას არ ექნებოდა უპირატესობა“, - ასე ეხმაურება პარლამენტის ვიცე-სპიკერი გია ვოლსკი ფრანგული ორგანიზაცია IPSOS-ის მიერ გამოქვეყნებული კვლევის შედეგებს.

მისი თქმით, აღნიშნული კვლევის მიხედვით იმარჯვებს „ნაციონალური მოძრაობა“ გაერთიანებული ოპოზიციის გარეშე.

„ნიკა გვარამია როგორ ჩაატარებდა ისეთ კვლევას, სადაც გაერთიანებულ ოპოზიციას არ ექნებოდა უპირატესობა. კვლევის შედეგებს თუ გადავხედავთ, მივხვდებით საითკენ არის ანალიზი გაკეთებული,  ანუ იმარჯვებს ყველა შემთხვევაში „ნაციონალური მოძრაობა“, ყოველგვარი დანარჩენი გაერთიანებული ოპოზიციის წევრების გარეშე“, -  განაცხადა გია ვოლსკიმ.

ცნობისთვის, ტელეკომპანია „მთავარის“ დაკვეთით ფრანგულმა ორგანიზაცია IPSOS-მა კვლევა ჩაატარა, რომლის თანახმად, ხვალ რომ არჩევნები ტარდებოდეს გამოკითხულთა 34% ხმას „ქართულ ოცნებას მისცემდა, 29% - „ნაციონალურ მოძრაობას“, ხოლო 10% - „ევროპულ საქართველოს“.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი