საპატრიარქოს საზოგადოებასთან ურთიერთობის სამსახურის ხელმძღვანელი, მამა ანდრია ჯაღმაიძე მარტყოფის მონასტერში მომხდარ მკვლელობასთან დაკავშირებით ინფორმაციას ავრცელებს.

როგორც ის Facebook-ის საკუთარ გვერდზე წერს, ფსიქიკურად დაავადებულმა პირმა, რომელიც თავს მონასტერს აფარებდა, მეორე პირი მოკლა და მიიმალა.

„როგორც ეპარქიიდან შეგვატყობინეს მარტყოფის ღვთაების მონასტერში მოხდა მკვლელობა. მონასტერს შეფარებული ჰყავს უსახლკაროები და სხვადასხვა სოციალური თუ სამედიცინო პრობლემების მქონე ადამიანები. როგორც აგვიხსნეს, ერთერთმა ფსიქიურად დაავადებულმა, მონასტერს შეფარებულმა ადამიანმა მოკლა მეორე, მონასტერში დროებით მცხოვრები და გაიქცა მონასტრიდან. საუბარია რა თქმა უნდა საერო პირებზე“, - წერს მამა ანდრია ჯაღმაიძე.

ცნობისთვის, მარტყოფის ღვთაების მონასტერში მკვლელობა მოხდა. არსებული ინფორმაციით, ეკლესიის კელიაში მამაკაცის ცხედარი იპოვეს, რომელსაც ყელის არეში ჭრილობა აღენიშნება. როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს