„ამ წუთის მდგომარეობით მივიღეთ გადაწყვეტილება, შევაჩეროთ სამუშაო პროცესი, უსაფრთხოების ნორმების კრიტიკული დარღვევების გამო“, - ამის შესახებ ჯანდაცვის სამინისტროს შრომის ინსპექციის დეპარტამენტის უფროსმა ბექა ფერაძემ ჟურნალისტებს განუცხადა.

როგორც მან აღნიშნა, შრომითი უსაფრთხოების დაცვა ყველა კომპანიის ვალდებულებაა.

„შრომის ინსპექციამ დაიწყო მოკვლევითი სამუშაოები. ჩვენი თანამშრომლები ადგილზე იმყოფებიან. ამ წუთის მდგომარეობით მივიღეთ გადაწყვეტილება, შევაჩეროთ სამუშაო პროცესი, უსაფრთხოების კრიტიკული დარღვევების გამო. შრომის უსაფრთხოების კანონი ვრცელდება ეკონომიკური საქმიანობის ყველა სფეროზე. შესაბამისად, ვალდებულება აქვს ყველა კომპანიას და მათ თავად უნდა უზრუნველყონ შრომის უსაფრთხოების ნორმების დაცვა“, - განაცხადა ბექა ფერაძემ.

ცნობისთვის, დღეს თბილისში, მეტროსადგურ „გოცირიძეს“ მიმდებარე ტერიტორიაზე, მშენებარე კორპუსიდან 2 მუშა გადმოვარდა. ერთი მათგანი ადგილზე დაიღუპა, ხოლო მეორე სასწრაფო სამედიცინო დახმარების ეკიპაჟმა საავადმყოფოში გადაიყვანა. არსებული ინფორმაციით, დაშავებულის მდგომარეობა მძიმეა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს