ღარიბაშვილი: პროგრამის მიღმა დარჩენილი მარტოხელა პენსიონერები კომპენსაციას მიიღებენ

2015-07-30 09:44:23, 386 ნახვა

პოლიტიკა

საქართველოს პრემიერ-მინისტრ ირაკლი ღარიბაშვილის განცხადებით, 3 თვიანი მონიტორინგის შედეგად სოციალურად დაუცველების შეფასების მეთოდოლოგიაში, შესაცვლელი საკითხები გამოიკვეთა.

როგორც ღარიბაშვილმა მთავრობის სხდომის დაწყებისას განცხადა, ის სოციალურად დაუცველი მარტოხელა პენსიონერები, რომლებიც პროგრამის მიღმა აღმოჩნდენ, კომპენსაციას მიიღებენ.

"მინდა, გამოვეხმაურო სოციალურად დაუცველთათვის შეფასების მეთოდოლოგიას, დღეს განვიხილავთ ამ პაკეტს. ახალმა პროგრამამ, რომელიც მაისიდან დაიწყო, საშუალება მოგვცა, რომ მრავალსულიანი ოჯახების საჭიროებები უკეთ დაგვენახა. 3 თვის მონიტორინგის შედეგად, გამოვლინდა ის საკითხები, რაც შეცვლას და გაუმჯობესებას საჭიროებს. დღეს, სწორედ იმ მარტოხელა პენსიონერებისთვის, რომლებიც პროგრამის მიღმა დარჩნენ, საარსებო შემწეობის აღდგენის საკითხს განვიხილავთ. უფრო მეტიც, მათ კომპესაციის სახით ავუნაზღაურებთ იმ თანხას, რომელიც იმ თვეებში უნდა მიეღოთ, როდესაც შემწეობის მიღება შეწყვეტილი ჰქონდათ",- განაცხადა ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან