„საგარეო პოლიტიკის მიმართულებით ძალიან აქტიური მუშაობა მიმდინარეობს“, - ამის შესახებ პარლამენტის თავმჯდომარემ არჩილ თალაკვაძემ საკანონმდებლო ორგანოს ბიურის სხდომაზე განაცხადა.

როგორც თალაკვაძემ აღნიშნა, დაგეგმილია შეხვედრები სტრატეგიულ პარტნიორებთან და მანვე იმედი გამოთქვა, რომ ისინი სათანადოდ იქნებიან ინფორმირებულნი საქართველოს პროგრესისა და გეგმების შესახებ.

„საგარეო პოლიტიკის მიმართულებით ძალიან აქტიური მუშაობა მიმდინარეობს. მინდა, მადლობა გადავუხადო კოლეგებს, რომლებმაც უკვე მიიღეს ევროპის საბჭოს ფორმატში მონაწილეობა, სამუშაო შეხვედრებსა და სესიებში, ასევე ევროპარლამენტის მიმართულებით ჩვენ ძირითად სტრატეგიულ პარტნიორებთან. უკვე დაგეგმილია ოთხზე მეტი მაღალი დონის ვიზიტი, რომელთა განხორციელებაც ამ კვირიდან დაიწყება. ასე რომ, ამ მიმართულებითაც ძალიან აქტიური იქნება პარლამენტი და იმედი მაქვს, საქართველოს პროგრესი და გეგმები, რაც მთავარია, მომავალთან დაკავშირებული ხედვა ყველა ჩვენს პარტნიორთან სათანადოდ იქნება მიტანილი“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა