2020-01-31 16:09:43, 2764 ნახვა
საზოგადოება
ენგურჰესში წყლის დონე 439 მეტრამდე შემცირდა
„დღევანდელი მდგომარეობით, ენგურჰესის წყალსაცავში წყლის დონე 439 მეტრს შეადგენს“, - ამის შესახებ ინფორმაციას შპს „ენგურჰესი“ ავრცელებს.
შპს „ენგურჰესის“ პრესსამსახურის მიერ გავრცელებული ინფორმაციით, დარჩენილი რესურსისა და მდინარის შემოდინების გათვალისწინებით, ენგურჰესი და ვარდნილჰესი აფხაზეთის მოხმარების სრულ დაფარვას ვერ ახერხებს.
„სწორედ ამიტომ, აფხაზურმა მხარემ ელექტროენერგიის შეზუდვა დაიწყო და 4-საათიანი მარაოსებრი გრაფიკი დააწესა. აღსანიშნავია, რომ ენგურჰესის წყალსაცავში წყლის მინიმალური დონე 420 მეტრია. როდესაც წყალი ამ ნიშნულს მიუახლოვდება, ჰესის მუშაობა შეიზღუდება, რაც დღე-ღამეში, შემოდინების შესაბამისად, მხოლოდ რამდენიმესაათიან დატვირთვას გულისხმობს“, - აღნიშნულია შპს „ენგურჰესის“ მიერ გავრცელებულ განცხადებაში.
ავტორი: ექსპრესნიუსი,
epn.ge (@expressnews.ge)
