„ნაციონალური მოძრაობის“ წევრმა ლევან ხაბეიშვილმა პროტესტის ნიშნად საკრებულოს სხდომა დატოვა.

„ხელისუფლება რომ შეიცვლება, თქვენი ფიზიკური უსაფრთხოების გარანტად ნამდვილად დავრჩები“, - ასე მიმართა მან „ქართული ოცნების“ დეპუტატებს, რომლებიც საკრებულოს კომისიის სდომაზე იმყოფებოდნენ.

როგორც ხაბეიშვილმა აღნიშნა, საკრებულოს თავმჯდომარესა და სხვა წევრებს არ ეყოთ გამბედაობა, რომ ეთქვათ, ძალადობა არ არის კარგი და მუშტი-კრივით საქმე ვერ მოგვარდება.

„გულწრფელად ვწუხვარ იმის გამო, რაც მოხდა, მაგრამ ინციდენტს რომ თავი დავანებოთ, ამ ყველაფრის შემდეგაც საკრებულოს უმრავლესობამ და თანამდებობის პირებმაც ვერ გამოიჩინეს გამბედაობა ეთქვათ, რომ ძალადობა არ არის კარგი და მუშტი-კრივით საქმე ვერ მოგვარდება, მიუხედავად იმისა რამდენად შეიძლება დაპირისპირებული იყოს ოპოზიციონერი დეპუტატი მის კოლეგასთან, მერთან თუ ასე შემდეგ. ნაცვლად იმისა, რომ ამ საკრებულოს სხდომათა დარბაზში თუნდაც მწვავედ ვკამათობდეთ, კამათის გარდა ბოლო დროს ყველაფერი ხდება, მუდმივად მიდის ფიზიკურ დაპირისპირებამდე. ხელისუფლება რომ შეიცვლება, თქვენი ფიზიკური უსაფრთხოების გარანტად ნამდვილად დავრჩები თუ რომელიმე დარჩებით ოპოზიციაში თქვენ რომ ფიზიკურად არაფერი დაგემუქრებათ და განსხვავებული პოზიციის გამო არავინ თავს არ დაგესხმებათ, პირადად მე ვიქნები ამის გარანტი. თქვენს მილიარდერ პატრონთან ერთად უნდა ზრუნავდეთ თბილისელების სიკეთეებზე, ეს თქვენი ვალდებულებაა“, - განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება