„მდინარაძე, თალაკვაძე და ვოლსკი რასაც იძახიან გასაგებია, მათ არ აწყობთ დროებითი საგამოძიებო კომისიის შექმნა, რადგან ამ საქმეს თავად გადაყვებიან“, - ამის შესახებ პანკისის ხეობაში სპეცოპერაციის დროს მოკლული თემირლან მაშალიკაშვილის მამამ, მალხაზ მაჩალიკაშვილმა პარლამენტის შენობასთან გამართულ ბრიფინგზე განაცხადა.

მაჩალიკაშვილი იმედს გამოთქვამს, რომ ამ საქმეში ყველა დამოუკიდებელი დეპუტატი, გაერთიანებული ოპოზიცია და ქვეყნის მოსახლეობა მხარს დაუჭერს.

„რასაც მდინარაძე, თალაკვაძე და ვოლსკი იძახის სრულიად გასაგებია, მათ არ უნდათ დროებითი საგამოძიებო კომისიის შექმნა. ისინი ხედავენ იმ საშიშროებას, რომ ამ საქმეს გადაყვებიან. გასაგებია რასაც იძახიან, მაგრამ მაგით ხომ არ მთავრდება ქვეყანა და ხელისუფლება? მაგით ხომ არ მთავრდება ქართველი ხალხის ბედი? ვინ ჩემი ფეხები არიან ეს ნაძირლები და გახრწნილი ადამიანები? ისინი იძახიან, რომ არ არის საჭიროება, მაგრამ როგორ არ არის. ყველა იმ დამოუკიდებელი დეპუტატის მხარდაჭერის იმედი მაქვს,  რომლებიც სიაში წავიკითხე. იმ გაერთიანებული ოპოზიციის და პარალელურად მთელი ქვეყნის მოსახლეობის მხარდაჭერის იმედი მაქვს. მდინარაძე. თალაკვაძე და ვოლსკი, ეს გაუნათლებელი, დებილი, დეგენერატები რას იძახიან ჩემთვის მნიშვნელობა არ აქვს“, - განაცხადა მალხაზ მაჩალიკაშვილმა.

შეგახსნებეთ, რომ პროკურატურამ პანკისის ხეობაში მოკლული თემირლან მაჩალიკაშვილის საქმეზე გამოძიება შეწყვიტა. აღნიშნულ გადაწყვეტილებას მოკლულის ოჯახის წევრები და ოპოზიციის წარმომადგენლები არ ეთანხმებიან და თემირლან მაჩალიკაშვილის საქმეზე დროებითი საგამოძიებო კომისიის შექმნას ითხოვენ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს