2020-01-08 11:15:24, 1783 ნახვა
საზოგადოება
სალომე ზურაბიშვილი უკრაინული თვითმფრინავის კატასტროფის შედეგად დაღუპულთა ოჯახებს უსამძიმრებს
საქართველოს პრეზიდენტი, სალომე ზურაბიშვილი უკრაინული თვითმფრინავის კატასტროფის შედეგად დაღუპულთა ოჯახებს სამძიმარს უცხადებს. ამის შესახებ პრეზიდენტი „ტვიტერში“ წერს.
„სიტყვები ვერ გადმოსცემს უკრაინის ავიახაზების კატასტროფას, წარმოუდგენელი კატასტროფაა. მე ვუცხადებ ღრმა მწუხარებას დაღუპულთა ოჯახის წევრებსა და მეგობრებს“, - წერს ზურაბიშვილი სოციალურ ქსელში.
შეგხსენებთ, რომ უკრაინის საერთაშორისო ავიახაზების კუთვნილი ბოინგ 737-ის ტიპის თვითმფრინავი, რეისს კიევის მიმართულებით ასრულებდა. თვითმფრინავი აფრენიდან ორ წუთში ჩამოვარდა, რის შემდეგაც მას ცეცხლი გაუჩნდა. ბორტზე მყოფი ყველა ადამიანი დაიღუპა. ბოლო ინფორმაციით, თვითმფრინავში 170 პირი იმყოფებოდა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
