პირველი რესპუბლიკის მოედნიდან სამების საკათედრო ტაძრის მიმართულებით საშობაო მსვლელობა გაიმართა.

მსვლელობას წინ სასულიერო პირები და ანგელოზის ფორმაში გამოწყობილი ბავშვები მიუძღვებოდნენ. სასულიერო პირები შემხვედრებს ნაკურთხ წყალს აპკურებდნენ და სარკმეველს აკმევდნენ.

მსვლელობას ერთი ჯგუფი გამოეყო, რომელიც ათონელზე, პრეზიდენტის რეზიდენციასთან მივიდა, სადაც მათ საჩუქრები საქართველოს პრეზიდენტმა სალომე ზურაბიშვილმა გადასცა. მსვლელობის მონაწილეებმა გაიარეს რუსთაველის გამზირი, თავისუფლების მოედანი, პუშკინის ქუჩა. მსვლელობაში მონაწილეთა ერთი  ჯგუფი საპატრიარქოში მივიდა, სადაც ისინი სრულიად საქართველოს კათოლიკოს-პატრიარქმა დალოცა და  ნობათი გადასცა. ამის შემდეგ მსვლელობა ბარათაშვილის ხიდით ბარათაშვილის ქუჩაზე გაგრძელდა.

მსვლელობა სამების საკათედრო ტაძარში დასრულდა, რის შემდეგაც სასულიერო პირებმა პარაკლისი გადაიხადეს.

ცნობისთვის, საქართველოში ალილოს ტრადიცია V-VI საუკუნეებიდან იღებს სათავეს. მისი აღნიშვნა საქართველოში 2000 წლიდან აღდგა. ეს არის დღე როდესაც ღამისთევის შემდეგ მგალობლები დადიან ქუჩებში და მოსახლეობას ულოცავენ ქრისტეშობის დღეს. მსვლელობის დროს მახარობლები აგროვებენ იმ შემოწირულობას, რასაც ხალხი გადასცემს მათ და ეს შემოწირულობა ურიგდებათ გაჭირვებულ ადამიანებს, მიუსაფარ ბავშვებს და ასევე პატიმრებს.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა