„ჩემი აზრით, საპატრიარქომ აუცილებლად ბოლომდე უნდა მიიყვანოს ეს საქმე და გათავისუფლდეს ჩემი ძმა“, - ამის შესახებ მსჯავრდებული დეკანოზის, გიორგი მამალაძის ძმამ, თორნიკე მამალაძემ განაცხადა.

მისი თქმით, საპატრიარქო პასუხისმგებლობისგან მას შემდეგ გათავისუფლდება, რაც დეკანოზი გიორგი მამალაძე პატიმრობიდან გათავისუფლდება.

„მამა ანდრიას სამწუხაროდ, ავიწყდება ის ფაქტი, რომ ისტორიაში პირველად მოხდა, როდესაც წმინდა სინოდმა მიიღო გადაწყვეტილება და მათი გადაწყვეტილების შესაბამისად მიემართა პრეზიდენტს შეწყალებასთან დაკავშირებით. ჩემი აზრით, საპატრიარქომ აუცილებლად ბოლომდე უნდა მიიყვანოს ეს საქმე და გათავისუფლდეს ჩემი ძმა. რაც შეეხება იმას, რომ პასუხისმგებლობისგან გათავისუფლებას ცდილობენ, რა თქმა უნდა, გათავისუფლდებიან იმ შემთხვევაში, როდესაც ჩემი ძმა გათავისუფლდება და იმ მძიმე ცოდვას, რომელიც ჩვენი ოჯახის წინაშე აქვს თითოეულ ადამიანს მოინანიებენ, ამის შემდეგ გათავისუფლდება თითოეული მათგანი“, - განაცხადა თორნიკე მამალაძემ.

შეგახსენებთ, რომ 31 ოქტომბერს, სინოდის სხდომაზე მიღებული  გადაწყვეტილების თანახმად, სინოდმა დეკანოზ გიორგი მამალაძის შეწყალებასთან დაკავშირებით, შუამდგომლობით საქართველოს პრეზიდენტს, სალომე ზურაბიშვილს მიმართა. პრეზიდენტი პატიმართა შეწყალების აქტს საშობაოდ გამოსცემს, თუმცა იქნება თუ არა შეწყალებულებს შორის მსჯავრდებული დეკანოზი გიორგი მამალაძე ჯერჯერობით უცნობია.

დეკანოზ გიორგი  მამალაძეს 2017 წლის 5 სექტემბერს 9 წლით თავისუფლების აღკვეთა შეუფარდეს.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა