2019-12-28 15:48:49, 3624 ნახვა

---

ეუთო-ს გენმდივანი: მივესალმები ექიმ გაფრინდაშვილის გათავისუფლებას - მომავალში დაკავებები თავიდან უნდა იქნეს აცილებული

ვაჟა გაფრინდაშვილის უკანონო პატიმრობიდან გათავისუფლებას ეუთო-ს გენერალური მდივანი ტომას გრემინგერი გამოეხმაურა.

როგორც გრემინგერი სოციალურ ქსელ „ტვიტერში“ წერს, აუცილებელია, მომავალში თავიდან იქნას აცილებული დაკავებები და ადამიანებისთვის გადაადგილების თავისუფლება გარანტირებული იყოს.

„ექიმ გაფრინდაშვილის გათავისუფლება მისასალმებელია. მომავალში დაკავებები თავიდან უნდა იქნეს აცილებული და ყველა ადამიანისთვის ნებისმიერ დროს გადაადგილების თავისუფლება გარანტირებული უნდა იყოს“, - წერს ეუთო-ს გენერალური მდივანი.

შეგახსენებთ, ოკუპანტების მიერ უკანონოდ დაკავებული ექიმი ვაჟა გაფრინდაშვილი პატიმრობიდან დღეს გათავისუფლდა. საოკუპაციო რეჟიმმა ვაჟა გაფრინდაშვილი 9 ნოემბერს დააკავა. ოკუპანტები ექიმს ე.წ საზღვრის უკანონო კვეთას ედავებოდნენ, თუმცა გაფრინდაშვილი წარდგენილ ბრალს არ აღიარებდა. 20 დეკემბერს ცხინვალის საოკუპაციო რეჟიმმა ვაჟა გაფრინდაშვილს 1 წლითა და 9 თვით პატიმრობა შეუფარდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი