„ფაქტები დაასახელოს, რა მოიძია, რა დაადგინა? ბოდავს და სამარცხვინო როლში ყოფნას თავი დაანებოს“, - ასე გამოეხმაურა დამოუკიდებელი დეპუტატი ეკა ბესელია ადამიანის უფლებათა დაცვის კომიტეტის ხელმძღვანელის, სოფო კილაძის განცხადებას.

ეკა ბესელის თქმით, ის კილაძეს ცრუ ინფორმაციის გავრცელებისთვის პასუხს მოსთხოვს.

„ფაქტი დაასახელოს, რა მოიძია, რა დაადგინა, რა ფაქტზე ლაპარაკობს? ბოდვას და სამარცხვინო როლში ყოფნას თავი დაანებოს. ბიძინა ივანიშვილმა კი არ გააჩერა იმ სხდომაზე და უთხრა, სისულელეებს რომ ლაპარაკობდა, ვერავინ გაიგო რას ამბობდა, თავისმა კოლეგებმა დასცინეს და უთხრეს, რომ ეს იყო „ნაციონალური მოძრაობის” ნარატივი, რითაც საუბრობდნენ წლების განმავლობაში ჩემს წინააღმდეგ. როგორ შეიძლება, კილაძემ რამე კორუფციულ გარიგებაზე ილაპარაკოს, როცა ნახევარი ხელისუფლება კორუფციაშია ჩაფლული. ამიტომ, თავიანთ კორუფციას, დალაგებულ უკანონო ტენდერებს მიხედონ, თავიდან ფეხებამდე რომ კორუფციაში არიან ჩაფლული. ჩემსკენ ხელის გაშვერას თავი დაანებონ.

თავად კილაძეა კორუფციაში ჩაფლული. ის და მისი კლანის ლობისტები. ცრუ ინფორმაციების გავრცელებისთვის კილაძეს პასუხს მოვთხოვ. კეთილი ინებოს, ფაქტებით ისაუბროს. გაცილებით მეტი ინფორმაცია მაქვს, ვიდრე კილაძეს დაესიზმრება. ჯერ არ მითქვამს და ამის დროც მოვა. რაც შეეხება პირად მტრობას, არც მანამდე და არც ახლა წარმოადგენს რამეს“, – განაცხადა ეკა ბესელიამ.

ავტორი: ექსპრესნიუსი,

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა