თბილისის საქალაქო სასამართლოში, „ევროპული საქართველოს“ ერთ-ერთი ლიდერის, გიგა ბოკერიას დაკითხვა დასრულდა.

დაკითხვა მაგისტრი მოსამართლის თანდასწრებით მიმდინარეობდა.

როგორც ბოკერიამ ჟურნალისტებს განუცხადა, მისი დაკითხვის საჭიროება "ივანიშვილის ილუზიის ნაწილია".

„ახალი ვერაფერი ვერ გავიგე ამ გამოკითხვის პროცესიდან. ფორმალური ვალდებულებაა, რომ გრიფი ადევს საქმეს და დეტალებზე არ უნდა ვისაუბრო, თუმცა არაფერი ისეთი არ თქმულა, რაზეც შეიძლება ვისაუბროთ. არსებითად განსხვავება არის ნულოვანი. მე ვერ ავხსნი ვერანაირად საჭიროებას, ეს საჭიროება უნდა ახსნან მათ. გარემოება, რაც შეიცვალა, არის ის რომ მაშინ სხვა პოლიტიკურ ოპონენტებზე იყო დევნა, ამიტომ ახლა უფრო ფართოდ გაშალეს ფრთები. ამ სამარცხვინო ლიდერის და მისი კლოუნების რეჟიმის არც პირველი, არც მეორე და მესამე ვარ დევნისთვის. ეს არის ივანიშვილის ილუზიის ნაწილი. ამ მეთოდებით ფიქრობს, რომ შეიძლება ის ლეგიტიმური აღშფოთება და ბრაზი, რაც საზოგადოებას აქვს ივანიშვილის მიმართ, იმ გადაგდების და შეურაცხყოფის მერე რაც მან მიაყენა მთელ საზოგადოებას, ეს გაქრება ეს სიბრიყვეა“, - განაცხადა გიგა ბოკერიამ.

შეგახსენებთ, გენერალური პროკურატურის საგამოძიებო ნაწილში წარმოებაშია სისხლის სამართლის საქმე საქართველოს ეროვნული უშიშროების საბჭოს აპარატის თანამდებობის პირთა მიერ უფლებამოსილების ბოროტად გამოყენების შესაძლო ფაქტზე. 2010-2013 წლებში, ბოკერია საბჭოს მდივნის თანამდებობას იკავებდა, შესაბამისად, გამოძიებას მასთან ამ პერიოდში გაფორმებულ ხელშეკრულებებთან დაკავშირებით ჰქონდა კითხვები. 

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო