2019-12-09 14:52:55, 1360 ნახვა

---

თურნავა - საპენსიო რეფორმის წარმატება არც ერთ ცალკეულ საკადრო გადაწყვეტილებაზე არ არის დამოკიდებული

„ადამიანები მიდიან და მოდიან. ერთ პროფესიონალს მეორე შეცვლის, მაგრამ არცერთ ცალკეულ საკადრო გადაწყვეტილებაზე საპენსიო რეფორმა დამოკიდებული არ არის“, - ასე უპასუხა ეკონომიკისა და მდგრადი განვითარების მინისტრმა ნათია თურნავამ ჟურნალისტების შეკითხვას, როგორ აისახება საპენსიო რეფორმაზე საპენსიო ფონდის ამჟამინდელი ხელმძღვანელის გადადგომა.

მინისტრის განცხადებით, საპენსიო რეფორმა მნიშვნელოვანი წარმატებული პროცესია, რომელიც კანონმდებლობითაა გარანტირებული.

„ადამიანები მიდიან და მოდიან. ერთ პროფესიონალს მეორე შეცვლის, მაგრამ არცერთ ცალკეულ საკადრო გადაწყვეტილებაზე საპენსიო რეფორმა დამოკიდებული არ არის იმიტომ, რომ რეფორმა არის ძალიან კარგად და მკაცრად რეგლამენტირებული კანონმდებლობით და ის ჩვენი სახელმწიფო პოლიტიკის პრიორიტეტია“, - განაცხადა ნათია თურნავამ.

შეგახსენებთ, რომ დღეს, საპენსიო სააგენტოს დირექტორმა ლევან სურგულაძემ  თანამდებობა დატოვა, რომლის თაობაზეც სამეთვალყურეო საბჭოს განცხადებით უკვე მიმართა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი