"როგორც კი ახალი ტარიფი დადგინდება,  მივიღებთ გადაწყვეტილებას, რომ ყველაზე დაუცველ ფენებს ახალი ტარიფი ტვირთად საერთოდ არ დააწვეს“,-ამის შესახებ პრემიერ-მინისტრმა ირაკლი ღარიბაშვილმა მთავრობის დღევანდელ  სხდომაზე განაცხადა.

მისივე თქმით, ტარიფის კორექტირების შემთხვევაში, მთვრობა სოციალურად დუცველებისთვის სუბსიდირებას განახორციელებს.

„ვიცით,  რომ დღეს ენერგეტიკის მარეგულირებელმა კომისიამ, რომელიც ტარიფის კორექტირების საკითხს განიხილავს და დამოუკიდებელი ორგანოა, მიიღო გადაწყვეტილება.  თუ ტარიფი დაკორექტირდება, მთავრობა ყველაფერს გააკეთებს, რომ მოსახლეობას ტვირთი შეუმსუბუქოს და აუცილებლად იქნება სუბსიდირება სოციალურად დაუცველებისთვის. ჩვენ გვინდა მოსახლეობას დავუმტკიცოთ, რომ ვართ სოციალურად ორიენტირებული მთავრობა, ამისთვის ვაკეთებთ ყველაფერს, ჯანდაცვის მიმართულებით დავხარჯეთ 5 მილიარდი 370 მილიონი ლარი, სოფლის მეურნეობის მიმართულებაზე მილიონამდე ლარი. დღეს ასეთი ვითარება გვაქვს, მაგრამ მინდა გითხრათ, რომ როცა ჩვენი ხელისუფლება მოვიდა სათავეში, წამოიწია ტარიფის თემა და სემეკთან მივაღწიეთ იმას, რომ ტარიფი 3.54 თეთრით შევამცირეთ. ამ დრომდე ასეთი ნაბიჯი არც ერთ მთავრობას არ გადაუდგამს. როგორც კი დადგინდება ახალი ტარიფი, მივიღებთ გადაწყვეტილებას, რომ ყველაზე დაუცველ ფენებს ახალი ტარიფი ტვირთად საერთოდ არ დააწვეს“,-განაცხადა  ირაკლი ღარიბაშვილმა.

"ენერგო-პრო ჯორჯიასთვის" ელექტროენერგიის მოხმარების ტარიფის კორექტირებაზე  ენერგეტიკისა და წყალმომარაგების მარეგულირებელი ეროვნული კომისია ამწუთებში საჯარო სხდომაზე მსჯელობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსმა პროპაგანდისტმა სალავიუვმა იტალიის პრემიერ მელონის, ძუკნა ქალი უწოდა, რომმა ელჩი დაიბარა

CNN: აშშ-მ ირანთან ომისთვის „პატრიოტის“ ტიპის სარაკეტო კომპლექსების მარაგის 50% გამოიყენა

უკრაინის მიერ ნავთობის წარმოების დაზიანების ან განადგურების შემდგომ, რუსეთი ბენზინის წარმოების სახელმწიფო დაგეგმვის სისტემას აღადგენს

უკრაინაში კიდევ ერთი ქართველი მებრძოლი ბაჩო ბებია დაიღუპა