2019-12-02 15:26:21, 1878 ნახვა
პოლიტიკა
დიმიტრი ხუნდაძის მაჟორიტარულ ბიუროსთან მოძრაობა „გაბედეს“ რამდენიმე წევრი დააკავეს
მცხეთაში, დიმიტრი ხუნდაძის მაჟორიტარულ ბიუროსთან გამართულ საპროტესტო აქციაზე, მოძრაობა „გაბედეს“ რამდენიმე წევრი, მათ შორის ბექა ნათელაშვილი დააკავეს.
დაპირისპირება „გაბედეს“ წევრებსა და ადგილობრივ მოსახლეობას შორის მას შემდეგ დაიწყო, რაც სამართალდამცველებმა და ადგილობრივებმა მათ შენობაში შესვლის საშუალება არ მისცეს.
ფიზიკური შეხლა-შემოხლის შედეგად, დაშავებულია „გაბედეს“ რამდენიმე წევრი.
„ადგილობრივი მოსახლეობა და გამგეობის წევრები უმიზეზოდ გვირტყამდნენ. რუპორი მეჭირა და მშვიდობიანად ვაპროტესტებდი. პასუხი ვერ გაგვცეს, რატომ გვირტყამდნენ. ჩვენი აქტივისტები დააკავეს“, - ამის შესახებ ერთ-ერთმა დაშავებულმა, ცოტნე ვადაჭკორიამ ჟურნალისტებს განუცხადა.
დაპირისპირება ამ წუთებშიც მიმდინარებს.
ავტორი: ექსპრესნიუსი,
epn.ge (@expressnews.ge)
