2019-11-28 12:22:07, 1502 ნახვა
პოლიტიკა
მდინარაძე: მოვუწოდებ აქციის მონაწილეებს ხელი აიღონ პატრიარქისა და ეკლესიის შეურაცხყოფისგან
"აქციის მონაწილეების ნაწილი პერმამენტულად უტევს ეკლესიას და ყველას მოვუწოდებ, ხელი აიღონ პატრიარქისა და ეკლესიის შეურაცხყოფისგან. რაც არ უნდა ურწმუნო იყო, პატივი უნდა სცე შენი ქვეყნის იდენტობას და კულტურას," - ამის შესახებ პარლამენტის ვიცე-სპიკერმა მამუკა მდინარაძემ განაცხადა.
მდინარაძემ მოუწოდა პოლიტიკოსებს, დაუბრუნდნენ საპარლამენტო საქმიანობას და ვითარების განმუხტვა დიალოგის გზით დაიწყონ.
"მე არ მგონია, რომ დისკომფორტი, უხერხულობა არის ის საკითხი, რომელიც უნდა იყოს პრიორიტეტული და არა სახელმწიფოს და პარლამენტის ნორმალური ფუნქციონირება. საუბრობენ გარკვეულ დიალოგზე, კი ბატონო საპარლამენტო ფორმატში საუბარი შეიძლება ნებისმიერ თემაზე, მაგრამ ეს შეიძლება მას შემდეგ, რაც ისინი დაეშვებიან მიწაზე.
ავტორი: ექსპრესნიუსი,
epn.ge (@expressnews.ge)
