2019-11-26 15:14:16, 1506 ნახვა

---

ნაცვლიშვილი „ოცნებას“: ნუ ამბობთ, რომ 2012 წელს ხელისუფლება ამ სისტემით შეიცვალა - ეს იყო რევოლუცია

 „დაანებეთ სპეკულირებას თავი, ნუ ამბობთ, რომ 2012 წელს დღეს არსებული საარჩევნო სისტემით შეიცვალა ხელისუფლება“, - ასე მიმართა პარლამენტის დამოუკიდებელმა დეპუტატმა ბექა ნაცვლიშვილმა „ქართული ოცნების“ წევრებს პარლამენტის პლენარულ სხდომაზე.

როგორც ნაცვლიშვილმა აღნიშნა, 2012 წელს საარჩევნო სისტემას არავითარი მნიშვნელობა არ ჰქონდა, რადგან ხელისუფლება რევოლუციის შედეგად შეიცვალა.

 „რაღაცას გთხოვთ „ქართული ოცნების“ წარმომადგენლებს, ნუ ამბობთ ხოლმე, რომ 2012 წელს ამ სისტემით შეიცვალა ხელისუფლება. ამ სისტემით არ შეცვლილა, იქ სისტემას არანაირი მნიშვნელობა არ ჰქონდა. ეს იყო რევოლუცია და ამ რევოლუციაში ჩვენ აქ მონაწილეობა მიღებული გვაქვს, მაგრამ ბევრ თქვენგანს მგონი საერთოდ გვერდითაც არ გაუვლია ამ პროცესის მიღმა. ეს არ იყო, რომ საარჩევნო სისტემამ გადაწყვიტა თურმე რამე, ეს ჩვეულებრივი რევოლუცია იყო 2012 წელს რაც მოხდა. ამიტომ დაანებეთ სპეკულირებას თავი, რომ ამ საარჩევნო სისტემაშიც შეიძლება ხელისუფლების ცვლილება“, - განაცხადა ბექა ნაცვლიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი