ირის ბორჩაშვილის სახელობის ჯანმრთელობის ცენტრ „მედინას“ გენერალური დირექტორი, მედიცინის დოქტორი, კრიტიკული მედიცინის სრული პროფესორი, ნინო ქაჯაია იაპონიის საერთაშორისო თანამშრომლობის სააგენტოს (JICA) პროგრამის „საზოგადოებრივი ჯანდაცვის საქმიანობა დედებისა და ბავშვების ჯანმრთელობის გასაძლიერებლად“ ფარგლებში იაპონიაში იმყოფება.

პროგრამა საქართველოს დევნილთა, შრომის, ჯანმრთელობისა და სოციალური დაცვის სამინისტროს ეგიდით ხორცელდება და მასში საქართველოს სახელით მონაწილეობისათვის, სწორედ ნინო ქაჯაია შეირჩა.

პროგრამა დედათა და ბავშვთა ჯანმრთელობის საკითხებზე იაპონიის ჯანდაცვის სისტემის გამოცდილების გაზიარებას ითვალისწინებს.

მეორე მსოფლიო ომის შემდეგ იაპონიამ ამ კუთხით უნივერსალური მოდელი შექმნა, რომელიც არაერთმა ქვეყანამ გაიზიარა.

ვიზიტის ფარგლებში ნინო ქაჯაიამ შეხვედრები გამართა სამედიცინო სფეროს არერთ წარმომადგენელთან, ასევე შეხვდა საქართველოს საქმეთა დროებით რწმუნებულს, საგანგებო და სრულუფლებიან დესპანს იაპონიაში, თეიმურაზ ლეჟავას.

შეხვედრაზე საუბარი შეეხო პროგრამის მნიშვნელობას, მასში საქართველოს ჩართულობას, ასევე საქართველო-იაპონიას შორის თანამშრომლობის სხვადასხვა საკითხებს, მათ შორის ჯანმრთელობის დაცვის მიმართულებით.

(NS)

ავტორი: ექსპრესნიუსი,

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ