„ნებისმიერ დეპუტატს შეუძლია შევიდეს პარლამენტში. საკანონმდებლო ორგანო თავისუფლად ფუნქციონირებს“, - ამის შესახებ საპატრულო პოლიციის უფროსმა ვაჟა სირაძემ ჟურნალისტებს განუცხადა.

როგორც მან აღნიშნა, ადგილზე საზოგადოებრივი წესრიგის დაცვის მიზნით პოლიცია კვლავ მობილიზებულია.

„პოლიცია ადგილზე მობილიზებულია იმისთვის, რომ დაიცვას წესრიგი და გარკვეულმა ძალებმა, რომლებიც მშვიდობიან პროტესტს გამოხატავდნენ და შემდგომში მოახდინეს პიკეტირება, პოლიციის მიერ მოხდა შესასვლელების გასუფთავება. პოლიცია ადგილზეა იმისთვის, რომ საზოგადოებრივი წესრიგი იქნეს დაცული და საკანონმდებლო ორგანომ განაგრძოს ფუნქციონირება მშვიდ ვითარებაში“, - განაცხადა ვაჟა სირაძემ.

შეგახსენებთ, გამთენიისას პარლამენტის შესასვლელებთან განლაგებული აქციის მონაწილეები, რომლებიც აცხადებდნენ, რომ დეპუტატებს საკანონმდებლო ორგანოში არ შეუშვებდნენ, ტერიტორიიდან სპეცრაზმის გამოყენებით გაიყვანეს. აქციის დაშლის დროს სამართალდამცველებმა 28 პირი დააკავეს. ამასთან, ჯანდაცვის სამინისტროს ინფორმაციით, დაშავდა 4 ადამიანი, რომლებიც სამედიცინო დაწესებულებებში არიან გადაყვანილი.

ავტორი: ექსპრესნიუსი,

სოციალური ქსელები

ნიკა მელია - ცილისმწამებლებთან აღარაფერი გაკავშირებს

ბოჭორიშვილი ჰერჩინსკიზე: ქართველი ხალხის ნება გამოხატულია საქართველოს ხელისუფლების არჩევანში

რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში

გახარია საქართველოსთვის: ოპოზიციური ალიანსი „ოცნების“ პოლიტიკას უწყობს ხელს